အိမ်စောင့်နတ်နှင့် ပဋ္ဌာန်းတရားတော်

“ပဋ္ဌာန်းတရားတော်ကို အိမ်မှာ မရွတ်ကောင်းဘူးလို့ လူကြီးတချို့က ပြောကြပါတယ်။ အိမ်မှာ ရွတ်ဖတ်ပူဇော်ရင် ဒုက္ခ ရောက်တတ်ပါသလား” ဆိုတဲ့ ဒကာတစ်ဦးရဲ့ မေးမြန်းချက်ကို ရွှေပါရမီတောရဆရာတော် အရှင်ဆန္ဒာဓိကက အောက်ပါအတိုင်း အသေးစိတ် ဖြေကြားထားပါတယ်။ ပဋ္ဌာန်းတရားတော်ကို အိမ်မှာပဲ ရွတ်ဖတ်ပူဇော်နိုင်သူတွေအတွက် မှတ်သားဖွယ်ရာ အကြောင်းအရာတွေ ပါဝင်တာမို့ ပြန်လည် မျှဝေပေးလိုက်ပါတယ်။

တကယ်တော့ ပဋ္ဌာန်းတရားဟာ နတ်ပရိသတ်တွေအတွက် အဓိကထားပြီး မြတ်စွာဘုရား ဟောကြားခဲ့တာပါ။ ဟောတာကိုက နတ်ပြည်မှာလေ။ နတ်ပြည်မှာ နတ်ပရိသတ်အတွက် ဟောထားတဲ့တရားကို နတ်တွေက မနှစ်သက်ပဲ ရှိပါ့မလား။ သူတော်ကောင်းနတ်မှန်ရင် ပဋ္ဌာန်းတရားကို ဘယ်သူဘယ်နေရာမှာ ရွတ်ရွတ် နှစ်သက်မြတ်နိုးစွာ လာရောက်နာယူမှာသေချာပါတယ်။

ပဋ္ဌာန်းရွတ်လို့ အိမ်စောင့်နတ်မနေနိုင်ဘဲ ထွက်ပြေးရတယ်ဆိုတာ သဘာဝ မကျပါဘူး။ တကယ်ဆို ကိုယ်ရွတ်ပေးလို သူနာရပေတယ် ဆိုပြီး ကိုယ့်အိမ်ကတောင်မခွာနိုင်ဖြစ်နေမှာပါ။ သူနာချင်တဲ့ ပဋ္ဌာန်း ရွတ်ပေးတဲ့အတွက် ကိုယ့်ကို ကျေးဇူးတွေတင်ပြီး ခါတိုင်းထက်တောင် ကူညီ စောင့်ရှောက်ကြဦးမှာပါ။

တကယ်လို့ … ပဋ္ဌာန်းသံကြားတာနဲ့ထွက်ပြေးတဲ့ အိမ်စောင့်နတ် ရှိခဲ့တယ်ဆိုရင်လည်း အဲ့ဒီအိမ်စောင့်နတ်ဟာ သူတော်ကောင်းစိတ်မရှိတဲ့နတ်၊ သူယုတ်မာနတ်ပဲဖြစ်ပါလိမ့်မယ်။ အဲဒီလိုနတ်မျိုး ကိုယ့်အိမ်မှာ လာစောင့်နေလို့လည်း ကိုယ့်အတွက် ဘာအကျိုးမှ ရှိမှာမဟုတ်ပါဘူး။ မနေနိုင်လို့ ထွက်ပြေးသွားလည်း ဘာမှ လွမ်းနေစရာမလိုပါဘူး။အဲ့ဒီလိုနတ်မျိုး ‘အိမ်ပြင်’ မှာနေလည်း အလကား ‘အိမ်တွင်း’ မှာနေလည်း အလကားပါပဲ။

အိမ်မှာပဲ ဖြစ်ဖြစ် ဘုရားမှာပဲ ဖြစ်ဖြစ် နေရာဌာနတစ်ခုခုမှာ ပုဂ္ဂိုလ်တစ်ယောက်ယောက်က ပဋ္ဌာန်းတရား ရွတ်ပွားပြီဆိုရင် ဘုန်းတန်ခိုးကြီးမားတဲ့ နတ်တွေ၊ ဗြဟ္မာတွေ တရားနာကြွရောက်လာကြပါတယ်။ အိမ်စောင့်နတ် အပါအဝင် နဂိုကရှိနှင့်ပြီးသားနတ်တွေက ဘုန်းတန်ခိုးနည်းပါးတယ်ဆိုရင် ဘုန်းတန်ခိုး ကြီးမားတဲ့ နတ်ဗြဟ္မာတွေအတွက် နေရာဖယ်နောက်ဆုတ်ပေးရတဲ့အတွက် အဝေးရောက်သွားနိုင်ပါတယ်။

လူပဲဖြစ်ဖြစ်၊ နတ်ပဲဖြစ်ဖြစ် ကိုယ်နဲ့ထိုက်တန် တဲ့နေရာကို ကိုယ်ရစမြဲမဟုတ်လား။ ကိုယ့်ကံက ပေးတဲ့နေရာမှာ ကိုယ်ကျေနပ်စွာနေရ မှာပဲလေ။ ပဋ္ဌာန်းတရားနာကြားပြီး ကိုယ့်ထက်ဘုန်းတ န်ခိုးကြီးတဲ့နတ်တွေ၊ ဗြဟ္မာတွေ ကိုယ့်နေရာကိုယ် ပြန်သွားတဲ့အခါ အိမ်စောင့်နတ်လည်း အိမ်မှာ နေမြဲအတိုင်း ပြန်နေခွင့် ရသွားပြီပေါ့။

ပဋ္ဌာန်းတန်ခိုးကြောင့်သူ့ရဲ့ဘုံဗိမာန် စည်းစိမ်ချမ်းသာတွေတောင် နဂိုကထက်ကြီးကျယ်ခမ်းနားလာမှာသေ ချာပါတယ်။ဒါဆိုရင် ပဋ္ဌာန်းရွတ်လို့ အိမ်စောင့်နတ်မှာ အကျိုးမယုတ်တဲ့အတွက် ပဋ္ဌာန်းရွတ်သူကိုလည်း အိမ်စောင့်နတ်က ဘာမှ ဒုက္ခပေးမှာ မဟုတ်ပါဘူး။ ဒုက္ခမပေးတဲ့အပြင် ကောင်ကျိုးချမ်းသာအဖြာဖြာနဲ့ ပြည့်စုံအောင်တောင် အကူအညီ ပေးပါလိမ့်ဦးမယ်။

တကယ်လို့ ကိုယ့်အိမ်ထဲမှာရှိတဲ့ အိမ်တွင်းနတ်တွေ၊အိမ်ပြင်နတ်တွေက နတ်လို့ နာမည်ခံထားတဲ့ မကောင်းဆိုးဝါးတွေ၊ အစိမ်းသရဲတွေ၊ ဖုတ် ပြိတ္တာတွေ၊ နတ်မိစ္ဆာတွေဖြစ်နေခဲ့မယ် ဆိုရင်တော့ ပဋ္ဌာန်းတရားကို နားခါးပြီး ထွက်ပြေးချင်ပြေးပါလိမ့်မယ်။ သူယုတ်မာနဲ့ သူတော်ကောင်းတရား မအပ်စပ်လို့ ကြောက်ရွံ့ ထိတ်လန့်စွာ ထွက်ပြေးသွားကြတဲ‘တရားမကြိုက် နတ်ငမိုက်’ တွေ ကိုယ့်အိမ်မှာ မရှိတော့တာ ပိုတောင် ကောင်းပါသေးတယ်။ ဝမ်းနည်းစရာ မဟုတ်ပါဘူး၊ ဝမ်းသာစရာပါ။

ပဋ္ဌာန်းတရားပဲရွတ်ရွတ်၊ တခြားတရားပဲရွတ်၊ ကိုယ့်ဘက်ကတော့ မကောင်းဆိုးဝါးတွေ နတ်မိစ္ဆာတွေ၊ တန်ခိုးနည်းတဲ့ နတ်တွေ ကိုယ့်ပတ်ဝန်းကျင်မှာ မနေနိုင်ဘဲ ထွက်ပြေးသွားစေချင်တဲ့ ရည်ရွယ်ချက်ဆိုးမျိုး မထားနဲ့ပေါ့ ။

အယုတ်အလတ် အမြတ်မရွေး ဘယ်သတ္တဝါမဆို တရားနာယူပြီးကောင်းကျိုး ရစေချင်တဲ့ ရည်ရွယ်ချက်ကောင်းပဲ ထားပြီး ရွတ်ပါ။ ကိုယ့်ဘက်က ရည်ရွယ်ချက်ဆိုးပြီး မေတ္တာတရား ခေါင်းပါးနေရင်တော့ အဝေးထွက်ပြေးရတဲ့ နတ်တွေက”နေနှင့်ဦးပေါ့ကွာ၊ အလှည့်ကျရင် မနွဲ့စတမ်းဟေ့” ဆိုပြီး ကိုယ့်ကံနိမ့်တဲ့အခါ၊ ရွတ်ဖတ်မှု ပြတ်သွားတဲ့အခါမျိုးတွေမှာ တုံ့ပြန်ကလဲ့စား ချေတတ်ပါတယ်။

ကိုယ့်စေတနာ ကိုယ့်အကျိုးပေးတာပါပဲ။ အကောင်းဆုံးကတော့ ပဋ္ဌာန်းတရားပဲ ဖြစ်ဖြစ်၊ တခြားတရားပဲ ဖြစ်ဖြစ်၊ တရားတော်တခုခု ရွတ်ဖတ် ပူဇော်မှု ပြုတော့မယ်ဆိုရင် ပထမဦးဆုံးမေတ္တာဘာဝနာပွားများ၊ မေတ္တာသုတ် ရွတ်ဆိုပြီးမှ ပြုတာက အကောင်းဆုံးပါပဲ။

မေတ္တာတရားပေးဝေမှုကို သတ္တဝါတိုင်း နှစ်သက်လိုလားကြတာမို့ ဘာတရားတော်ပဲရွတ်ရွတ် မေတ္တာသုတ်ကို အရင်ရွတ်ပါ၊ မေတ္တာဘာဝနာ အရင်ပွားပါလို့  မေတ္တာနဲ့အကြံပေးလိုက်ပါတယ်။ ပဋ္ဌာန်းတရားကို အိမ်မှာလည်း ရွတ်သင့်ပါတယ်။ ရွတ်ခြင်းကြောင့် ဒုက္ခမရောက်တဲ့အပြင် ကောင်းကျိုးချမ်းသာ ကျက်သရေ မင်္ဂလာအဖြာဖြာနဲ့လည်း ပြည့်စုံနိုင်ပါတယ်။

ပဋ္ဌာန်းတရား ပွားများသူတိုင်း ကုသိုလ်ထူးများ ရရှိကြပါစေ…

ဆရာတော်ရှင်ဆန္ဒာဓိက၏ ဖြေကြားချက်ကို ပြန်လည် ဝေမျှ ပူဇော်ပါသည်။

ဧက

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)