မွေးရက်ဂဏန်းနဲ့ မိတ်ဖက်ဂဏန်းများ

ကိုယ့်မွေးရက်ဂဏန်းဟာ ကိုယ့်ရဲ့ အကျင့်စရိုက်နဲ့ စိတ်နေသဘောထားတွေကို လှစ်ဟပြသနေသလိုပဲ ဘဝရဲ့ ကောင်းဆိုး၊ အနိမ့်အမြင့် ကံကြမ္မာတွေကိုလည်း ဖော်ပြလေ့ ရှိပါတယ်။ ဒါ့အပြင် ဘယ်ဂဏန်းသမားတွေက ကိုယ်နဲ့ လိုက်ဖက်ညီ အကျိုးပြုမလဲ ဆိုတာကိုလည်း သင်္ချာဗေဒနဲ့ သိရှိနိုင်ပါတယ်။ ဥပမာ ကိုယ်က ၂၈ ရက်နေ့ မွေးတယ်ဆိုရင် (၂+၈ = ၁၀ = ၁ ဂဏန်းသမား) ဖြစ်ပြီး ၁ ဂဏန်းနဲ့ လိုက်ဖက် အကျိုးပြုမယ့် တခြားသော ကိန်းဂဏန်းတွေကို အောက်ပါအတိုင်း ဖတ်ရှု လေ့လာနိုင်မှာ ဖြစ်ပါတယ်။ (ဗေဒင်သုတ – BaydinThyuta ၏ မူပိုင် ဖြစ်သည်။ အခြား Website နှင့် Facebook Page များတွင် ပြန်လည် ကူးယူဖော်ပြခွင့် မပြုပါ)

၁ ဂဏန်းသမား (၁၊ ၁၀၊ ၁၉၊ ၂၈ တွင် မွေးဖွားသူများ) – ဆရာလုပ်၊ ဦးဆောင်၊ အာဏာပြတတ်သူတွေ ဖြစ်လို့ ၁ ဂဏန်းသမားတွေရဲ့ အကောင်းဆုံး နောက်လိုက်ဟာ ၂ ဂဏန်းသမားတွေပါပဲ။ ၃ ဂဏန်းသမားကတော့ ၁ ဂဏန်းရဲ့ မိတ်ဆွေရော ဆရာအနေနဲ့ပါ လိုက်ဖက်ညီပြီး အကြံဥာဏ်ကောင်းတွေ ပေးတတ်ပါတယ်။ ၁ ဂဏန်းသမားအဖို့ ၉ ဂဏန်းသမားတွေနဲ့ မိတ်ဖက် ဖြစ်ပါတယ်။

၂ ဂဏန်းသမား (၂၊ ၁၁၊ ၂၀၊ ၂၉ တွင် မွေးဖွားသူများ) – စိတ်ထား နူးညံ့ ထိရှလွယ်ပြီး ရိုမန်တစ် ဆန်ချင်သူတွေမို့ ၂ ဂဏန်းသမားကို ၁ ဂဏန်းသမားတွေကသာလျှင် ထိန်းကျောင်း ထောက်ကူ နိုင်မှာပါ။ ဦးဆောင် လမ်းညွှန်နိုင်တဲ့ မိတ်ဆွေကောင်းတွေလည်း ဖြစ်ပါတယ်။ ၃ ဂဏန်းသမားကလည်း ၂ ဂဏန်းရှင်ကို အမြဲတမ်း အားပေးလှုံ့ဆော်နိုင်တဲ့ မိတ်ကောင်းဆွေဖော် ဖြစ်ပါတယ်။ (ဗေဒင်သုတ – BaydinThyuta ၏ မူပိုင် ဖြစ်သည်။ အခြား Website နှင့် Facebook Page များတွင် ပြန်လည် ကူးယူဖော်ပြခွင့် မပြုပါ)

၃ ဂဏန်းသမား (၃၊ ၁၂၊ ၂၁၊ ၃၀ တွင် မွေးဖွားသူများ) – စည်းကမ်းကြီးတဲ့ တိုးတက်အောင်မြင်ရေးသမား ၃ ဂဏန်းတွေဟာ သူတို့နဲ့ စရိုက်သဘာဝချင်း ဆင်တူတဲ့  ၁ ဂဏန်း၊ ၉ ဂဏန်းသမားတွေနဲ့ ဓာတ်တည့်ပါတယ်။ ၁၊ ၃၊ ၉ ဂဏန်းသမားတွေချင်း ပေါင်းစည်းတဲ့အခါ အင်အား ကြီးမားတဲ့ ဆက်ဆံရေး ဖြစ်လာပါတယ်။ ၂ ဂဏန်းသမားတွေကိုတော့ ၃ တွေက နားလည်မှု ပေးနိုင်ပါတယ်။

၎ ဂဏန်းသမား (၄၊ ၁၃၊ ၂၂ ၊ ၃၁ တွင် မွေးဖွားသူများ) – လျှို့ဝှက်သည်းဖို ဆန်ပြီး အားလုံးနဲ့ ဆန့်ကျင်တတ်တဲ့ ၄ ဂဏန်းရှင်တွေဟာ ဘယ်ဂဏန်းလာလာ ပေါင်းတတ် သင်းတတ်တဲ့ ၅ ဂဏန်းနဲ့ အဆင်ပြေပါတယ်။ ၇ ဂဏန်းသမားတွေက ၄ ဂဏန်းရှင်တွေအတွက် မိတ်ကောင်း ဆွေကောင်း ဖြစ်ပြီး ၈ ဂဏန်းနဲ့ ၄ ဂဏန်းက သဘောတရားချင်း တူလို့ လက်တွဲဖက်တွေ ဖြစ်လာနိုင်ပါတယ်။

၅ ဂဏန်းသမား (၅၊ ၁၄၊ ၂၃ တွင် မွေးဖွားသူများ) – ပျော်တတ်ပြီး ဥာဏ်ရွှင်တဲ့ ၅ ဂဏန်းသမားတွေဟာ အများနဲ့ လိုက်လျောညီထွေ နေနိုင်လို့ မတည့်တာရယ်လို့ မရှိပါဘူး။ ၅ ဂဏန်းသမားတွေဟာ အောင်မြင်ရေးအတွက် ၁ ဂဏန်းရှင်တွေရဲ့ အကူအညီကို လိုအပ်ပါတယ်။ ၄ ဂဏန်းသမားတွေက မိတ်ဆွေကောင်း ဖြစ်လာနိုင်ပြီး ၆ ဂဏန်းသမားတွေနဲ့က အဆင်အပြေဆုံး ဖြစ်ပါတယ်။ (ဗေဒင်သုတ – BaydinThyuta ၏ မူပိုင် ဖြစ်သည်။ အခြား Website နှင့် Facebook Page များတွင် ပြန်လည် ကူးယူဖော်ပြခွင့် မပြုပါ)

၆ ဂဏန်းသမား (၆၊ ၁၅၊ ၂၄ တွင် မွေးဖွားသူများ) – မေတ္တာဓာတ်နဲ့ နူးညံ့သိမ်မွေ့မှုကို ဖော်ကျူးတဲ့ ၆ ဂဏန်းသမားတွေဟာ ၄ ဂဏန်းသမားတွေနဲ့ မိတ်ဆွေကောင်း ဖြစ်နိုင်ပေမယ့် လက်တွဲဖက်အဖြစ်တော့ မသင့်တော်ပါဘူး။ ၆ ဂဏန်းရဲ့ တခါတရံ အစွန်းရောက်မှုတွေကို ပြန် ထိန်းပေးမှာက ၅ ဂဏန်းသမား မိတ်ဆွေ ဖြစ်ပြီး ၈ ဂဏန်းသမားတွေကလည်း နားလည်မှု ပေးနိုင်ကြပါတယ်။

၇ ဂဏန်းသမား (၇၊ ၁၆၊ ၂၅ တွင် မွေးဖွားသူများ) – တီထွင်ဖန်တီးမှုသမား ၇ ဂဏန်းသမားတွေကို စည်းနဲ့ကမ်းနဲ့ စနစ်တကျ နေထိုင်နိုင်အောင် ထိန်းပေးတာက ၁ ဂဏန်းသမားတွေပါပဲ။ စီးပွားဖက်ကောင်းလည်း ဖြစ်တတ်ပါတယ်။ ၂ ဂဏန်းသမားနဲ့ကတေ့ာ လိုက်ဖက်ညီတဲ့ ဘော်ဒါတွေ ဖြစ်လာနပြီး ၇ ဂဏန်းရဲ့ စိတ်ကူးတွေကို ၉ ဂဏန်းသမားတွေက ရုပ်လုံးပေါ်စေမှာ ဖြစ်ပါတယ်။

၈ ဂဏန်းသမား (၈၊ ၁၇၊ ၂၆ တွင် မွေးဖွားသူများ) – လုံလဝီရီယ ကောင်းပြီး အထီးကျန်နေတတ်တဲ့ ၈ ဂဏန်းသမားတွေအဖို့ ၂ ဂဏန်းသမားတွေဟာ ယာယီအဖြစ် ကူညီဖေးမနိုင်ကြပါတယ်။ နားလည်မှု ပေးနိုင်၊ စီးပွားလည်း အတူ တွဲရှာနိုင်ကြပါတယ်။ ၈ ဂဏန်းသမားဟာ ၁ ဂဏန်းရှင်တွေနဲ့ ပေါင်းသင်းရာမှာ အဆင်မပြေပေမယ့် မိတ်ဆွေ၊ လက်တွဲဖော်ကောင်းတွေ ဖြစ်လာနိုင်ပါတယ်။ (ဗေဒင်သုတ – BaydinThyuta ၏ မူပိုင် ဖြစ်သည်။ အခြား Website နှင့် Facebook Page များတွင် ပြန်လည် ကူးယူဖော်ပြခွင့် မပြုပါ)

၉ ဂဏန်းသမား (၉၊ ၁၈၊ ၂၇ တွင် မွေးဖွားသူများ) – အင်အားသုံး အတိုက်အခံ ဒေါသကုမ္မာရ ၉ ဂဏန်းရှင်တွေကို ကူညီဖေးမနိုင်တာက ၁ ဂဏန်းသမားတွေပါပဲ။ စီးပွားရေးအရရော၊ လက်တွဲဖက်အနေနဲ့ရော မိတ်ဆွေကောင်းအနေနဲ့ပါ ပေါင်းနိုင်ပါတယ်။ ၉ ဂဏန်းသမားနဲ့ အဆင်မပြေဆုံးက ၄ ဂဏန်းသမားတွေပါ။ ၅ ဂဏန်းသမားတွေကျ စီးပွားဖက်ကောင်းတွေ ဖြစ်လာနိုင်ပါတယ်။

မွေးရက်ဂဏန်းအားလုံး မိတ်ဖက်တွဲဂဏန်းအမှန်ကို ရှာဖွေအသုံးချနိုင်ကြပါစေ – ဧက (ဗေဒင်သုတ)

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)