၂၀၂၂ ခုနှစ်အတွက် သင်္ချာဗေဒ ဟောကိန်း

၂၀၂၂-ခုအတွက် ကိုယ့်ဇာတာဘယ်လိုအနေထားရှိမလဲ နှစ်သစ်မှာ ဘယ်လိုဖြတ်သန်းရမလဲ စသဖြင့် သိရှိလိုသူများအတွက် ကိုယ်တိုင် တွက်ချက်ဟောပြောနိုင်သော အနောက်တိုင်း သင်္ချာဗေဒ (ဝါ) ဂဏန်းဗေဒင်ဟောကိန်းကို ဖော်ပြပေးလိုက်ပါတယ်။

ဒီနည်းစနစ်မှာတော့ မိမိရဲ့ မွေးရက်၊ မွေးလကို သိရှိဖို့လိုပါတယ်။ မိမိရဲ့မွေးလ၊ မွေးရက်ကို လာမယ့် နှစ်သစ် ၂၀၂၂ ခုနှစ်နဲ့ ပေါင်းရပါမယ်။ ပေါင်းလို့ရတဲ့ ဂဏန်းကို နောက်ဆုံး ဂဏန်းတစ်လုံးတည်း ရသည်အထိ ဆက်ပေါင်းပြီး ကိုယ့်ရဲ့နှစ်သစ်ကံဇာတာဟောကိန်းကို ဖတ်ရှုနိုင်ပါတယ်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ)

ဥပမာ… ကိုယ့်မွေးသက္ကရာဇ်ဟာ ၄.၅.၁၉၈၈ ဖြစ်တယ်ဆိုပါစို့။ ၁၉၈၈ ကို ဖယ်ပြီး ကိုယ့်မွေးရက် မွေးလ ဖြစ်တဲ့ ၄+၅ ကို ပေါင်းလိုက်ရင် ၉ ရပါတယ်။ ၎င်း ၉ ဂဏန်းကို နှစ်သစ် ၂၀၂၂ နဲ့ ဆက် ပေါင်းလိုက်ပါ။ ၂၀၃၁ ရလာပါမယ်။

ဒါကို တစ်လုံးတည်းဖြစ်အောင် ထပ်ပေါင်းမယ်ဆိုရင် ၂+ဝ+၃+၁= ၆ ဂဏန်းရရှိတဲ့အတွက် လာမယ့် နှစ်သစ်ဟာ ကိုယ့်အတွက် ၆ဂဏန်း စိုးမိုးနှစ်ဖြစ်ကြောင်းသိရမှာဖြစ်ပါတယ်။ ဒါကြောင့် စိုးမိုးဂဏန်း ၆ ရဲ့အဟောကိုဖတ်ရှုခြင်းအားဖြင့် မိမိရဲ့နှစ်သစ် ကံဇာတာကို သိရှိနိုင်မှာဖြစ်ပါတယ်။ အနောက်တိုင်း သင်္ချာဗေဒ (ဝါ) ဂဏန်းဗေဒင် ဟောကိန်းအတွက် စိုးမိုးဂဏန်း (၉)ခုရှိပါမယ်။

(၁)ဂဏန်းစိုးမိုးသူများ … လုပ်ငန်းသစ်၊ အကြံအစည်သစ်များ၊ စီမံကိန်းအသစ်များ စတင် လုပ်ဆောင်ရမည်။ လွန်ခဲ့သောနှစ်များက လျာထားချက်များ ရည်မှန်းချက်များကို စတင် လုပ်ကိုင်ဆောင်ရွက်သင့်သည်။ မိမိကိုယ်ကို အားကိုးအားထားပြုပြီး ကိုယ်တိုင် ကြိုးပမ်းအားထုတ်မှုများ အရာထင်လာမည်။ အတွေးအခေါ်ကောင်းများပေါ်ထွန်းပြီး လုပ်ငန်းဘဝအခြေအနေ တိုးတက်ပြောင်းလဲမှုများဖြစ်ထွန်းမည်။ အနာဂတ်အတွက် ဖြစ်ထွန်းလာမည့် ကံတရားမျိုးစေ့ကို စတင်ပျိုးကြဲရမည့်နှစ်ဖြစ်ပြီး အမှန်တကယ် သီးပွင့်ဖြစ်ထွန်းလာပေမည်။ အတ္တကြီးခြင်း၊ တစ်ကိုယ်ကောင်းဆန်ခြင်း၊ နိုင်ထက်စီးနင်းပြုခြင်းများကို သတိနှင့်ရှောင်ကြဉ်ရပါမည်။ သို့မှသာ ပိုမိုအောင်မြင်တိုးတက်သော ကံအနေအထားကို ရရှိပေမည်။

(၂)ဂဏန်းစိုးမိုးသူများ…ကံတရား အနိမ့်အမြင့်အတက်အကျ မြန်ဆန်တတ်သော နှစ်ကာလမျိုး ဖြစ်သည်။ စိတ်ပိုင်းဆိုင်ရာ လှုပ်ရှားမှုလည်းမြန်ဆန်နေတတ်မည်။ မိသားစု အိမ်တွင်းရေး စိတ်ပူပန်ရမှုအချို့ ရှိတတ်သည်။ မိတ်ဆွေသူငယ်ချင်းအချို့ထံမှ အကူအညီထောက်ပံ့မှုရမည်။ ရုပ်ပိုင်းဆိုင်ရာနှင့် စိတ်ပိုင်းဆိုင်ရာတည်ငြိမ်မှု ရှိရပါမည်။ ရရန်ရှိသော ငွေကြေးကိစ္စများ ပြန်လည် တောင်းခံသင့်သောကာလဖြစ်သည်။ ယခုကာလတွင် အနာဂတ်အတွက် အတတ်ပညာနှင့် ဗဟုသုတ ရှာမှီးစုဆောင်းရန်အကောင်းဆုံးကာလဖြစ်သည်။ အားငယ်စိတ် မထားသင့်။ ကိုယ့်စိတ်ဆုံးဖြတ်ချက် စွမ်းအားအပေါ် ကိုယ်တိုင်ယုံကြည်မှု တစိုက်မတ်မတ် ထားသင့်သည်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ)

(၃)ဂဏန်းစိုးမိုးသူများ…မိတ်ဟောင်း ဆွေဟောင်းများနှင့် ပြန်လည်ဆက်သွယ်ရတတ်ပြီး ပျော်ပွဲရွှင်ပွဲများ ကျင်းပရတတ်သည်။ မိသားစုတွင်း ငွေကုန်ကြေးကျများတတ်သည်။ ယာယီခရီး များတတ်သောကာလဖြစ်သည်။ သြဇာအာဏာ ရှိသူများနှင့်ပက်သက်ပြီး အရေးပေးခံရတတ်သည်။ ဘာသာတရားနှင့်ပက်သက်သောကိစ္စများ လုပ်ဆောင်ဖြစ်မည်။ လုပ်ငန်းအဟောင်းများ အပြီးသတ် ပြီးမှသာ လုပ်ငန်းသစ် စတင်သင့်သည်။ ပျော်ပျော်နေတတ်မှု၊ အကောင်းမြင်တတ်မှုသည် မိမိအတွက် ကံပိုမိုအားကောင်းစေပါမည်။ မိတ်ဆွေအတုအယောင်များကို သတိနှင့် ဆက်ဆံပါ။

(၄)ဂဏန်းစိုးမိုးသူများ…..ရည်ရွယ်ချက် ရည်မှန်းချက်ပန်းတိုင်များ ဖရိုဖရဲ ဖြစ်တတ်သောနှစ်ဖြစ်သည်။ ဆန်းကြယ်သော ပြောင်းလဲမှုအချို့ ကြုံရတတ်သည်။ ကျန်းမာရေး သတိပြုရမည့်နှစ်ဖြစ်သည်။ အထင်မြင်လွဲမှု၊ အမြင်စောင်းခံရခြင်းမျိုး လူမှုဆက်ဆံရေးတွင် ဖြစ်တတ်သည်။ အချိန်ကို အကျိုးရှိစွာ အသုံးချရန်နှင့် ခြိုးခြံချွေတာရန် လိုအပ်ပါမည်။ နိုင်ငံရပ်ခြား သွားရောက်ရခြင်း (သို့) နိုင်ငံခြားမှ သူများနှင့် ဆက်ဆံလုပ်ကိုင်ရသောကိစ္စများ ပေါ်ပေါက်တတ်သည်။ သတိပြုရန်မှာ တပါးသူနှင့် ဆန့်ကျင်ဘက်ဖြစ်မည့်ကိစ္စ ပြောဆိုဆွေးနွေးခြင်း မပြုသင့်ပါ။ ပြဿာနာဖြစ်မည့် ကိစ္စမှန်သမျှကို ရှောင်သင့်သည်။

(၅)ဂဏန်းစိုးမိုးသူများ….ကျေးလက်ဒေသများသို့ခရီးများသွားလာရတတ်သည်။ ပျော်ပွဲရွှင်ပွဲများ ဆင်နွဲရခြင်း ရှိမည်။ အရေးကြီးသောကိစ္စများအတွက် လက်မှတ်ရေးထိုးပေးခြင်းသတိပြုပါ။ လုပ်ငန်းတွင် ကောင်းသောအပြောင်းအလဲ ပေါ်ထွန်းမည်။ ကံတရားက ပေးအပ်လာသော အခွင့်အလမ်းကို အမိအရ ဖမ်းဆုပ်နိုင်ရန် လိုပါမည်။ အစပိုင်း အခက်ခဲများတတ်သော်လည်း အဆုံးသတ်ပျော်ရွှင်ရမည့်နှစ် ဖြစ်ပါသည်။ ကံတရားအတိုင်း လိုက်ပါဆောင်ရွက်ခြင်းဖြင့် ကံကောင်းမှုကို ရရှိပေမည်။

(၆)ဂဏန်းစိုးမိုးသူများ…..မိသားစုရေးရာနှင့် အိမ်တွင်ရေးကိစ္စများ အများဆုံး ကြုံရတတ်သော ကာလဖြစ်သည်။ လူငယ်လူရွယ်များ မေတ္တာရေး အိမ်ထောင်ရေးကိစ္စများပေါ်ပေါက်တတ်သည်။ အိမ်ဝယ်ခြင်း အိမ်ပြင်ခြင်း အိမ်ဆောက်ခြင်းများ ကြုံရတတ်သည်။ စီးပွားဥစ္စာ၊ ငွေကြေးဓနဥစ္စာ တိုးတက်ဖြစ်ထွန်းလာမည့်နှစ်ဖြစ်သည်။ မင်္ဂလာခမ်းအနားများ တက်ရောက်ရခြင်း ဆင်နွဲရခြင်းများ ကြုံရမည်။ မိသားစုအရေးကို အလေးပေးဆောင်ရွက်ခြင်းဖြင့် မိမိကံဇာတာ ပိုမိုတောက်ပလာမည်။ အများနှင့်ပူးပေါင်းဆောင်ရွက်လုပ်ဆောင်ရန် ဝန်မလေးသင့်သောနှစ် ဖြစ်သည်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ)

(၇)ဂဏန်းစိုးမိုးသူများ….လုပ်ငန်းစီးပွား ကြီးကြီးမားမားတိုးချဲ့ရန် မသင့်သေးပါ။ ငွေကြေးနောက်သို့ လိုက်လွန်းခြင်း၊ လောဘကြီးခြင်းများ ရှောင်ကြဉ်ပါ။ မိသားစုနှင့် မိတ်ဆွေများအတွက် စိတ်ပင်ပန်းရတတ်သည်။ မိတ်ဆွေအသိုင်းအဝန်း မိသားစုများ အခက်အခဲများကြောင့် ပူပန်ကြောင့်ကြမှု များတတ်သည်။ ကိုးကွယ်ရာဘာသာတရားအလိုက် ကျင့်ကြံအားထုတ်မှု ပြုသင့်သည်။ အိပ်မက်ဆန်းများ မြင်မက်တတ်ခြင်း၊ ပရလောက၊ ဂမ္ဘီရလောကနှင့် ပက်သက်သော ဆန်းကြယ်မှုများ ကြုံရတတ်သည်။ ငွေကြေးကို အဓိကမထားဘဲ လုပ်ဆောင်မှသာ စီးပွားလုပ်ငန်း အဆင်ပြေနိုင်မည့်ကာလဖြစ်သည်။ ရေကုသိုလ် မကြာခဏပြုပါ။

(၈)ဂဏန်းစိုးမိုးသူများ…..ကိုယ်တိုင်အပင်ပန်းခံ စိုက်ပျိုးခဲ့သမျှ ပြန်လည် ရိတ်သိမ်းရမည့်နှစ်ဖြစ်သည်။ ဉာဏ် ဝီရိယ စိုက်ထုတ်သလောက် အကျိုးအမြတ် ဖြစ်ထွန်းမည့်ဖြစ်သည် ။ စိတ်ဓာတ်ကျတတ်သူများ နှင့် ပေါင်းသင်းဆက်ဆံခြင်း ရှောင်ပါ။ အခွင့်သြဇာအာဏာ ထွန်းတောက်လာမည်။ လုပ်ငန်း ချဲ့ထွင်ခြင်း ၊ ငွေကြေးစီးပွားတိုးတက်ခြင်းများ ဖြစ်ထွန်းမည့်နှစ် ဖြစ်သည်။ တရားမျှတမှု ကြီးစိုးသော နှစ်ဖြစ်ပေရာ မည်သည့်ကိစ္စမဆို တစ်ဖက်စောင်းနင်း မဖြစ်စေရန် သတိပြုပါ။

(၉)ဂဏန်းစိုးမိုးသူများ…တစ်ပိုင်းတစ်စဖြစ်နေသော ကိစ္စရပ်များ အပြီးသတ်ရမည့် နှစ်ပိုင်းဖြစ်သည်။ လူအချို့နှင့် ပဋိပက္ခ ဖြစ်ရတတ်သည်။ မိသားစုတွင်လည်း အတိုက်အခံဖြစ်ရတတ်သည်။ လုပ်ငန်းသစ် အကြံအစည်သစ်များ စတင်ရန် အချိန် မဟုတ်သေးပါ။ ကျန်းမာရေး အားနည်းချက်လည်း သတိပြုရမည်။ စစ်ပွဲတစ်ပွဲကို ဆင်နွဲနေသကဲ့သို့ကျန်းမာရေးပိုင်းဆိုင်ရာ ရုတ်တရက် အတက်အကျ သတိပြုပါ။ ရေရှည်စီမံကိန်း၊ ရေရှည်ရင်းနှီးမြုပ်နှံမှုများ မပြုသင့်သေးသော ကာလဖြစ်ပါသည်။

ဤကား နှစ်သစ်အတွက် မိမိမွေးရက်၊ မွေးလ အလိုက် တွက်စစ်ရသော အနောက်တိုင်း သင်္ချာဗေဒ (ဝါ) ဂဏန်းဗေဒင် ဟောကိန်းဖြစ်ပါသည်။ ကိုယ်တိုင်တွက်စစ်၍ အကျိုးဖြစ်ထွန်းပါစေသတည်း။

ကိုယ်စိတ်နှစ်ပါးချမ်းမြေ့ပါစေ… ဆရာလင်းဝေအောင် (မြန်မာ့ဆန်းကျမ်းဗေဒင်နှင့် ကေပီရှေ့ဆောင်နက္ခတ်ပညာရှင်)

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)