အနောက်တိုင်းသာယန နက္ခတ်ဗေဒင်အရ ကောင်းကျိုးချမ်းသာတွေ ပေးနေကျ ကြာသပတေးဂြိုဟ်ကြီးဟာ ၂၀၂၄ ၊ မေ ၂၅ ရက်ကနေ ၂၀၂၅ ၊ ဇွန် ၉ ရက်နေ့အထိ မေထုန်ရာသီမှာ ရပ်တည်လာပါမယ်။ ကြာသပတေးဂြိုဟ် မေထုန်ရာသီခွင် ရောက်ရှိနေတဲ့ ဖော်ပြပါ တစ်နှစ်တာနီးပါးတွင်း ဘယ်ရာသီဖွားတွေက ဘယ်လို ကံကောင်းလာမလဲ ဆိုတာ တင်ပြပေးလိုက်ပါတယ်။
မေထုန်ရာသီဖွား (မေ ၂၁ – ဇွန် ၂၀)
ဘဝအပေါ် မျှော်လင့်အကောင်းမြင်မှုတွေ၊ အတတ်ပညာအသိပညာတွေကို စိုးမိုးတဲ့ ကြာသပတေးဂြိုဟ်ဟာ မေထုန်ရာသီခွင်မှာ ရပ်တည်လာမှာ ဖြစ်လို့ တစ်နှစ်တာအတွင်း မေထုန်ရာသီဖွားတွေဟာ ကိုယ့်ကိုယ်ကို ယုံကြည်မှုတွေ၊ အရည်အချင်းတွေ၊ အသိဉာဏ်တွေ ခါတိုင်းနဲ့မတူ ထူးထူးခြားခြား တိုးတက်လာမှာ ဖြစ်ပြီး အကြံအစည်တွေ၊ ရည်ရွယ်ချက်တွေကိုလည်း အောင်မြင်အောင် ကြိုးစားအားထုတ်နိုင်လာမှာ ဖြစ်ပါတယ်။
တစ်နှစ်တာအတောအတွင်း မိတ်ဆွေအသိုင်းအဝိုင်းကောင်းတွေ ပိုရလာတာ၊ လူမှုဆက်ဆံရေးနယ်ပယ်တွေ ကျယ်ပြန့်လာတာ၊ လုပ်ကိုင်နေတဲ့အလုပ်တွေ၊ စီးပွားရေးတွေကနေ အကျိုးအမြတ် ကြီးကြီးမားမား ရရှိတာနဲ့ ဘဝ အဆင့်အတန်း မြင့်မားလာတာတွေကိုလည်း ကြုံတွေ့ရတတ်ပါတယ်။ (ဗေဒင်သုတက တင်ပြတဲ့ ဒီလို ဆောင်းပါးနဲ့ ဟောစာတမ်းတွေကို တခြားနေရာမှာ ပြန်ကူးတင်တာ၊ ပုံစံတမျိုးနဲ့ ခိုးယူတာမျိုး ခွင့်မပြုပါ)
ပြိဿရာသီဖွား (ဧပြီ ၂၀ – မေ ၂၀)
တစ်နှစ်တာအတွင်း ပြိဿရာသီဖွားတွေဟာ ငွေကြေးဥစ္စာနဲ့ ပတ်သက်လို့ ကံကောင်းမှုတွေ ရရှိတတ်ပါတယ်။ ဝင်ငွေ ရပေါက်ရလမ်းတွေ တိုးလာတာ၊ ထီ (သို့) ကံစမ်းမှုတွေကနေ ငွေအစုအလိုက်အပြုံလိုက် ဝင်လာတာ၊ အမွေအနှစ် ခံစားခွင့် ရရှိတာ စတဲ့ ကောင်းကျိုးချမ်းသာတွေ ရရှိလာနိုင်ပါတယ်။ ဝင်ငွေရလမ်း တစ်ခုထက်မက ပေါ်လာတတ်သလို ကိုယ့်လက်တွဲဖော် အိမ်ထောင်ဖက်ကြောင့် ငွေဝင်တာမျိုးတွေလည်း ကြုံရတတ်ပါတယ်။
ပြိဿရာသီဖွားတွေ ဝင်ငွေ အမြတ်အစွန်း တိုးလာတတ်တဲ့အပြင် ငွေကြေးစီမံခန့်ခွဲမှုလည်း အားကောင်းလာပြီး အသုံးနဲ့အဖြုန်းကိုလည်း သေချာ ခွဲခြားနိုင်စွမ်း ရှိလာပါလိမ့်မယ်။ မိတ်ဆွေကောင်း၊ အဆက်အသွယ်ကောင်းနဲ့ ချိတ်ဆက်မိပြီး ကိုယ့်ကို အကျိုးပြုကူညီမယ့်သူတွေနဲ့ ဆုံဆည်းရတတ်ပါတယ်။
ကန်ရာသီဖွား (သြဂုတ် ၂၃ – စက်တင်ဘာ ၂၂)
ကန်ရာသီဖွားတွေအနေနဲ့ ဖော်ပြပါတစ်နှစ်တာအတွင်းမှာ ဘဝအခြေအနေ အပြောင်းအလဲကောင်းတွေ စတင် ဖန်တီးခွင့် ရလာနိုင်ပြီး လုပ်ငန်းခွင်မှာ ရာထူးတိုးတာ၊ နေရာကောင်း ရတာ၊ မျက်နှာကောင်း ရတာနဲ့ လူကြီးတွေ ဆရာသမားတွေက ချီးမြှင့် မြှောက်စား ပံ့ပိုးတာတွေကို ရရှိတာမျိုး ကြုံလာတတ်ပါတယ်။ ကိုယ်ပိုင်လုပ်ငန်းတွေ လုပ်နေသူဆိုရင်လည်း ခါတိုင်းနဲ့မတူတဲ့ အခွင့်အလမ်းကောင်းတွေ ပေါ်လာတတ်ပြီး ကိုယ့်လုပ်ငန်းစီးပွားအပေါ် အများက အသိအမှတ်ပြုတာ၊ တန်ဖိုးထားတာ၊ နေရာပေးဦးစားပေး ဆက်သွယ်လာတာမျိုး ကြုံရတတ်ပါတယ်။
အထူးသဖြင့် သြဇာအာဏာ ကြီးမားသူတွေဆီက အကူအညီ အထောက်အပံ့ကောင်းတွေ ရရှိတတ်ပြီး အရင်နဲ့ မတူတဲ့ ထူးခြားပွင့်လန်းတဲ့ အခွင့်အရေးသစ်တွေ၊ လမ်းကြောင်းအသစ်တွေလည်း ပေါ်ပေါက်လာနိုင်ပါတယ်။ ဒါကြောင့် ဖော်ပြပါကာလအတွင်းမှာ ကိုယ့်ဘက်က ကြိုးစားမှုကို အရင်းတည်ပြီး မျက်စိဖွင့်နားစွင့်ထားရပါမယ်။ (ဗေဒင်သုတက တင်ပြတဲ့ ဒီလို ဆောင်းပါးနဲ့ ဟောစာတမ်းတွေကို တခြားနေရာမှာ ပြန်ကူးတင်တာ၊ ပုံစံတမျိုးနဲ့ ခိုးယူတာမျိုး ခွင့်မပြုပါ)
သိဟ်ရာသီဖွား (ဇူလိုင် ၂၃ – သြဂုတ် ၂၂)
ကံစမ်းဉာဏ်စမ်းကိစ္စတွေ၊ လောင်းကစားဆန်တဲ့အလုပ်တွေမှာ ကံကောင်းဖို့ မျှော်လင့်နေတယ်ဆိုရင် ဖော်ပြပါ တစ်နှစ်တာအတွင်း ကံထူးကံမြူးနိုင်သူတွေကတော့ သိဟ်ရာသီဖွားတွေပဲ ဖြစ်ပါတယ်။ သိဟ်ရာသီဖွားတွေဟာ မိတ်ကောင်းဆွေကောင်း၊ ပတ်ဝန်းကျင်ကောင်းနဲ့ ပတ်သက်ခွင့် ရလာပြီး လုပ်နေကျအလုပ်တွေကနေ ဝင်ငွေ အကျိုးအမြတ်တွေ ပိုမို ရရှိလာတတ်ပါတယ်။ တခါတရံ သိကျွမ်းဖူးသူတွေ၊ အလှမ်းကွာတဲ့ မိတ်ဆွေတွေကနေ အခွင့်အရေးကောင်းတွေ ပေးလာတတ်ပြီး နည်းနည်း အားစိုက်ရုံနဲ့ အမြတ်အစွန်း များတဲ့အလုပ်တွေ လုပ်ခွင့် ရတတ်ပါတယ်။ အပျော်အပါးကိစ္စတွေ၊ လူမှုရေးကိစ္စတွေနဲ့လည်း အချိန်ကုန်ရတတ်လို့ ဒါကိုတော့ သတိပြုပါ။
ကောဇာ ကြာသပတေးဂြိုဟ် မေထုန်ရာသီကို ကူးပြောင်းရောက်ရှိမယ့် တစ်နှစ်တာနီးပါးအတွင်း ဖော်ပြထားတဲ့ ရာသီဖွားတွေဟာ တခြားသူတွေထက် သိသာမြင်သာတဲ့ ကံကောင်းခြင်းတွေကို ခံစားရမှာ ဖြစ်လို့ ကံတရားက မျက်နှာသာပေးလာချိန်မှာ ကိုယ့်ဘက်က အကောင်းဆုံး ရယူနိုင်ဖို့ကအသိပေးလိုက်ရပါတယ်။
ကြာသပတေးဂြိုဟ်အပြောင်းမှာ ကံကောင်းကြပါစေ – ဧက (ဗေဒင်သုတ)
(ေဗဒင္သုတ၏ မူပိုင္ေဆာင္းပါး ျဖစ္သည္။ အျခားေသာ Social Media Platform မ်ား ႏွင့္ Website မ်ားတြင္ ျပန္လည္ကူးယူေဖာ္ျပျခင္းကုိ ခြင့္မျပဳပါ။ ဖတ္ရႈအားေပးမႈအတြက္ ေက်းဇူးတင္ပါသည္)