(၉) နှစ် နှစ်ကြိမ် ကြုံတတ်သော မရဏကိန်း

မြန်မာ့လက်ဆန်းဗေဒင်ပညာတွင် မရဏကိန်းကို ၉ နှစ်လျှင် ၂ ကြိမ် ဖြတ်သန်းရလေ့ရှိသည်။ အဆိုပါ အသက်ပိုင်း ရောက်တိုင်း မသေဆုံးသော်လည်း လူ့လောကကို ကျောခိုင်းသွားသူ အတော်များများသည် ၎င်းမရဏကိန်းကျသော ကာလအပိုင်းခြားများတွင် ဖြစ်နေတတ်သည်။

ရှေးခေတ်က ယင်းတွက်ကိန်းကို ခန္ဓာပျက်ကိန်းဟုလည်း ဆိုခဲ့ကြသည်။ ထို့ကြောင့် မရဏကိန်း (ဝါ) ခန္ဓာပျက်ကိန်း ကျရောက်သောအခါ ကျန်းမာရေးနှင့် ပတ်သက်၍ ခါတိုင်းနှစ်များထက် ပိုသတိပြုရန် လိုပြီး ရောဂါဖြစ်လျှင် ကြန့်ကြာတတ်ခြင်း၊ ဆေးမှားအစာမှား ကြုံလွယ်တတ်ခြင်း၊ အသက်ဘေးနှင့် နီးသော ဖြစ်ရပ်များ ကြုံတတ်ခြင်း၊ အနာတစ်ခြား ဆေးတစ်ခြားဖြစ်ကာ ကုသမှုမှားယွင်းတတ်ခြင်း စသည်ဖြင့် ကြုံရတတ်သော အသက်ပိုင်းခြားများ ဖြစ်ပါသည်။

မရဏကိန်းတွက်ချက်ခြင်း

-မိမိရောက်ဆဲအသက်ကို မွေးနံဂြိုဟ်သက်နှင့် ပေါင်းပါ။  -ပေါင်းရသောရလဒ်ကို ၃နှင့် မြှောက်ပါ။ -ရလာသော မြှောက်လဒ်ကို ၉ နှင့် စားပါ။  -အကြွင်းသည် ၀ ကြွင်း (သို့) ၆ကြွင်းပါက မရဏကိန်းမိသော အသက်ပိုင်း ဖြစ်ပေသည်။  ဤနေရာတွင် ဗေဒင်နှင့် စိမ်းသူများအတွက် နေ့သားအလိုက် ဂြိုဟ်သက်များကို ဖော်ပြလိုက်ပါသည်။

ဥပမာ – အသက် ၆၀အတွင်း ရောက်နေသော ဗုဒ္ဓဟူးသားကို တွက်စစ်ကြည့်မည်ဆိုပါက ရောက်ဆဲအသက် (၆၀) + ဗုဒ္ဓဟူးသား ဖြစ်၍ ဗုဒ္ဓဟူးဂြိုဟ်သက် (၁၇) ၊ ယင်းနှစ်ခုကို ပေါင်းသော် ၆၀+၁၇ = ၇၇ ရမည်။ ၇၇ ကို ၃ဖြင့် မြှောက်သော် ၇၇×၃ = ၂၃၁  ရ၏။

ထိုမြှောက်ရကိန်း ၂၃၁ ကို ၉ ဖြင့် စားသော် (၆) ကြွင်း၏။ ထို့ကြောင့် အဆိုပါဗုဒ္ဓဟူးသားသည် အသက် ၆၀ နှစ်အတွင်း မရဏကိန်း ကျသောကြောင့် ကျန်းမာရေးနှင့်ပတ်သက်ပြီး အစစအရာရာ သတိပြုအပ်ပေသည်။

မရဏကိန်း ကျသောအခါ ယတြာအနေဖြင့် လုပ်ဆောင်ရမည့် နည်းလမ်းမှာ ဇီဝိတဒါန ငါးသက်စေ့ လွှတ်ခြင်း နှင့် မွေးနံထောင့်တွင် ဆီမီးသက်စေ့ ပူဇော်ခြင်းပင်ဖြစ်သည်။ ဥပမာ ပြထားသော ဗုဒ္ဓဟူးသားအတွက် ယတြာ ပြုမည်ဆိုပါက…

မွေးနေ့ ဖြစ်သော ဗုဒ္ဓဟူးနေ့တွင် ငါးသက်စေ့ အကောင် ၆၀ ကို (မြစ်၊ ချောင်း စသည်) ရေအရှင်တွင် လွှတ်ပါ။ ပြီးလျှင် မိမိ မွေးနံထောင့်တွင် ဆီမီးသက်စေ့ လှူပါ။ ၎င်းယတြာကို ၃လ တစ်ကြိမ် ပုံမှန်ဆောင်ရွက်ခြင်းဖြင့် မရဏကိန်းအညံ့ဆိုးမှ ကင်းလွတ်ပေမည်။

ကိုယ်စိတ်နှစ်ပါးချမ်းမြေ့ပါစေ – ဆရာလင်းဝေအောင် (မြန်မာ့ရိုးရာ ဆန်းကျမ်းဗေဒင်နှင့် ကေပီရှေ့ဆောင်နက္ခတ်ပညာရှင်)

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)