ဒီနှစ် ၁၃၈၀ မှာတော့ တနင်္ဂနွေနေ့ဖွားအားလုံးဟာ လက်ရှိအခြေအနေကနေ ဆန့်ကျင်တွန်းလှန် ပြောင်းလဲရမယ့် နှစ်သစ်မျိုးလို့ ဆိုရပါလိမ့်မယ်။ အပြောင်းအလဲတွေကို လက်ခံနိုင်ဖို့ ကြိုးစားရင်း ဘဝက မြင့်ရာက နိမ့်သွားတတ်သလို၊ နိမ့်ရာကနေလည်း မြင့်သွားနိုင်သော နှစ်မျိုးပါပဲ။ အရေးကြီးတာကတော့ ပါးနပ်လိမ္မာသော ပြောင်းလဲနိုင်စွမ်းဖြင့် အောင်မြင်မှုကို တက်လှမ်းသွားနိုင်ဖို့သာ အရေးကြီးပါလိမ့်မယ်။
အသေးစိတ်ကို ကဏ္ဍခွဲပြီး အောက်မှာ ဆက်လက် ရေးသားပေးလိုက်ပါတယ်။
အလုပ်အကိုင်
အလုပ်အပြောင်းအလဲ သိပ်ဖြစ်လွယ်ပြီး အကြီးအကဲတွေနဲ့ အတိုက်အခံ ဖြစ်လွယ်တာလည်း ဒီနှစ်မျိုးပါပဲ။ အိုးအိမ်၊ အလုပ်အကိုင် အပြောင်းအလဲများ ဖြစ်လွယ်တတ်သလို ကိုယ်လုပ်နေသမျှ၊ ကိုယ်ရှာနေသမျှ အကျိုးစီးပွားတွေကလည်း အပြည့်အစုံ ဖြစ်မလာသေးဘဲ တစ်ဝက်တစ်ပျက်ပေါင်းများစွာ ဖြစ်နေပါလိမ့်မယ်။
ဘာပဲဖြစ်ဖြစ် ကြိုးစားအားထုတ်မယ်ဆိုရင် ခရီးတစ်ဝက် ရောက်သွားမယ့် နှစ်မျိုးလို့ သာဆိုပါရစေ။ ပန်းတိုင်ထိ ရောက်ဖို့ ခက်ခဲတတ်ပေမယ့် ပန်းတိုင်မရောက်မီ ခရီးတစ်ဝက်ကိုတော့ ကြိုးစားပြီး အရောက် ချီတက်နိုင်မှာပါ။
ဒီတစ်နှစ်ရဲ့ အလုပ်အကိုင် ကဏ္ဍ ၊ အကျိုးစီးပွား ရှာဖွေရရှိမှုကဏ္ဍတွေမှာ တနင်္ဂနွေနေ့ဖွားတွေအဖို့ စိတ်ဒွိဟ များရခြင်း ၊ မရေမရာသော အခြေအနေများပေါ်တွင် ယောင်ချာချာ ဖြစ်ရခြင်းတွေ လွှမ်းမိုးနေပါလိမ့်မယ်။ အလုပ်အကိုင်နဲ့ ပတ်သက်ရင် သြဇာညွန့်လေးကို အမြဲ ဆောင်ထားသင့်တယ်လို့ အကြံပေးပါရစေ။
မေတ္တာရေး
တနင်္ဂနွေအများစု မေတ္တာရေး ကံကောင်းနိုင်ကြသော နှစ်ဖြစ်ပါတယ်။ မြားနတ်မောင်က လေးညို့ကို အပေါ်ထောင်ပစ်မယ့် ကာလမျိုးမို့ ကိုယ့်ထက် သာလွန်နေပါစေ…၊ အဆင့်အတန်း ကွာနေပါစေဦး မျှော်လင့်ခွင့် ရနိုင်သော ကာလမျိုးလို့ ဆိုနိုင်ပါတယ်။
မူလဇာတာအရ အိမ်ထောင်ရေးကံ ညံ့တဲ့ ဇာတာရှင်များသော်မှ ယခုနှစ်အဖို့ အိမ်ထောင်ဖက် အခြေအနေနဲ့ မေတ္တာရေးရာ ကံဇာတာအပိုင်းမှာ အများအားဖြင့် အားသာချက်ကလေး ဖြစ်လာတတ်ပါတယ်။
ပျိုရွယ်သူများအဖို့လည်း လေးစားမှုနဲ့ ချစ်ခြင်းမေတ္တာ ရောထွေးနေသော ချစ်မှုရေးရာအခြေအနေမျိုးတွေကို ကြုံတွေ့လွယ်သော ကာလဖြစ်ပါလိမ့်မယ်။
ပညာရေး
ပညာရေး အားနည်းတတ်လို့ ကျစရာ ရှိရင်လည်း ဖုန်းကနဲ နေအောင် ကျတတ်ပြီး မှန်းထားသလောက် ဂုဏ်ထူး သို့မဟုတ် ရလာဒ်ကောင်းဖြင့် အောင်မြင်နိုင်ခြင်း မရှိဘဲ ကိုယ်ထင်တာနဲ့ ဆန့်ကျင်ဘက် အခြေအနေ အချို့ ကြုံတွေ့ကြရတတ်ချိန်ပါ။ သင်ကြားရေးကဏ္ဍမှာ သူများအကူအညီကို ယူနေရတတ်ပြီး လုပ်ပြီးသား စာတွေကို ပြန်ပြန် နွေးပေးနိုင်မှ အားသာလာနိုင်ပါလိမ့်မယ်။
ကျန်းမာရေး
ကျန်းမာရေး အားနည်းနေသူများ အနက်ရောင်ကို အထူး ရှောင်သင့်သော နှစ်မျိုး ဖြစ်ပါတယ်။ အနောက်တောင်အရပ်ကို ညဉ့်အိပ်ညဉ့်နေ သော်လည်းကောင်း ၊ ခရီးဝေးသွားခြင်းမျိုးသော်လည်း ဖြစ်နိုင်သမျှ ရှောင်သင့်သော ကာလပါ။ ရေနဲ့ နီးစပ်ရာမှာ နေထိုင်ခြင်းဖြင့် ကျန်းမာရေး တိုးတက်ကောင်းမွန်နိုင်ပြီး ရေသောက် နည်းသူများ ကျန်းမာရေး အားနည်းလွယ်သော ကာလလည်း ဖြစ်ပါလိမ့်မယ်။
တနင်္ဂနွေနေ့ဖွားတစ်ယောက်ယောက် နာမကျန်းဖြစ်နေချိန် ဖြစ်နေခဲ့ရင်လည်း အိမ်မှာ ညဉ့်အိပ်ညဉ့်နေ ဧည့်သည် စနေသား လာမယ်ဆိုရင် လက်မခံသင့်သော ကာလ ဖြစ်ပါတယ်။ ယုံတာ မယုံတာထက် အကြောင်းအကျိုး ဆက်စပ်မှု ရှိနေတယ် ဆိုတာလောက်တော့ သတိပြုမိကြဖို့ လိုအပ်ပါလိမ့်မယ်။
အထွေထွေသုံးသပ်ချက်
နေရာ ဆိုတာနဲ့ ပတ်သက်ရင် ဆိုးကျိုး ပေးတတ်သော နှစ်မျိုးပါပဲ။ နေရင်းထိုင်ရင်း ကိုယ့်နေရာ ပျောက်သွားတာ ၊ အလုပ်မှာ နေရာကောင်း မရတတ်တာ၊ နယ်ဝေးကို ပြောင်းရတာ၊ မနေချင်သည့်နေရာမျိုးမှာ နေထိုင်နေရတာ ၊ မပျော်ပိုက်သော လုပ်ငန်းနေရာမျိုးမှာ တာဝန်ယူနေရတာ စသည်ဖြင့် နေရာနဲ့ ပတ်သက်ရင် ကံမကောင်းတတ်သော ကာလမျိုး ဖြစ်ပါတယ်။
နေအိမ်မှာ ဒုတ်ဓါးလက်နက် ၊ လောင်စာ တစ်မျိုးမျိုး မဝင်ကောင်းပါဘူး။ ဝင်လာခဲ့ရင် အိမ်ထောင်ရေး မသာမယာ ဖြစ်ရတတ်ပါတယ်။ မဝင်ကောင်းဘူး ဆိုတာက ပုံမှန် အသုံးလိုလို့ ဝယ်ယူသုံးနေရခြင်းမျိုး မဟုတ်ဘဲ တစ်စုံတစ်ယောက်က လက်ဆောင်ပေးတာ၊ သို့မဟုတ် မေ့ကျန်ခဲ့တာ စသည်ဖြင့် ပုံမှန် သဘာဝ မဟုတ်သော ဝင်လာခြင်း ရှိမယ်ဆိုရင် သတိပြုပြီး ပြန်လည် ဖယ်ရှားခြင်း ၊ ပြန်ပေးခြင်း ပြုသင့်ပါတယ်။
အရင်းအနှီး မရှိသူများ ချစ်ခင်သောအားဖြင့် ရင်းနှီးထည့်ဝင်ပေးမယ့်သူတွေ ပေါ်ပေါက်လာတတ်ပါတယ်။ ဒီတစ်နှစ်အဖို့ တနင်္ဂနွေနေ့ဖွားများအနေနဲ့ ကံကောင်းမှုသည် အရှေ့တောင်အရပ်မှာ တည်နေပါတယ်။ အရှေ့မြောက်အရပ်မှာ ဖူးစာဖက် ပေါ်တတ်ပါတယ်။ အနောက်တောင်အရပ်မှာ ကံဆိုးမှု တည်နေတတ်ပြီး အရှေ့စူးစူး အရပ်မှာတော့အကျိုးစီးပွား ရပ်တည်နေတတ်သော နှစ်သစ်တစ်ခု ဖြစ်ပါကြောင်း…..။
အားလုံးကို လေးစား ကျေးဇူးတင်စွာဖြင့်
ကိုဖုန်း / သုတေသီ ဝေသာလီမောင်ဖုန်း / ကိုစိုးမိုးထွန်း (ဗေဒင်ပညာသုတေသီ)
09 789 333 791, 09 318 17 287
ဟောခန်းလိပ်စာ – တိုက် 6 ၊ အခန်း 3 ၊ မြေညီထပ် ၊ မြကန်သာအိမ်ယာ၊ မြကန်သာလမ်း ၊ ကမာရွတ်မြို့နယ် ၊ ရန်ကုန်။ အနီးဆုံး မှတ်တိုင် – ဆင်ရေတွင်းမှတ်တိုင်
(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)