ဒီနှစ်ထဲ ဖွားမြင်တဲ့ ကလေးငယ်များအတွက် ဗေဒင်အကြံပြုချက်

လက်ရှိ မြန်မာနှစ် ၁၃၈၃ခုနှစ်အတွင်း ဖွားမြင်တဲ့ ကလေးငယ်လေးတွေသည် တနင်္ဂနွေနေ့ဖွား ဖြစ်မယ်ဆိုရင် အဓိပတိဖွား ၊ တနင်္လာနေ့ဖွား ဖြစ်မယ်ဆိုရင် ရာဇဖွား၊ အင်္ဂါနေ့ဖွား ဖြစ်မယ်ဆိုရင် အထွန်းဖွား ၊ ဗုဒ္ဓဟူးနေ့ဖွား ဖြစ်မယ်ဆိုရင် ဘင်္ဂဖွား ၊ ကြာသာပတေးနေ့ဖွားဆို ပုတိဖွား ၊ သောကြာနေ့ဖွားဆို သိုက်ဖွား ၊ စနေနေ့ဖွား ဆိုရင်တော့ မရဏဖွား ဇာတာရှင်လေးတွေ ဖြစ်လာကြပါမယ်။

ပညာရေး အလေးထားပြီး ရွေးချယ်မယ်ဆိုရင် ကြာသပတေးပုတိဖွားသည် အကောင်းဆုံးပါ။ ဒုတိယအားဖြင့် တနင်္ဂနွေအဓိပတိဖွား နဲ့ ဗုဒ္ဓဟူးဘင်္ဂဖွား တို့သည် ပညာရေး အားသာချက် ပိုရရှိနိုင်ပါတယ်။

စီးပွားရေး အသက်မွေးမှု မှာ တနင်္ဂနွေအဓိပတိဖွား ၊ တနင်္လာရာဇဖွား ၊ ဗုဒ္ဓဟူး ဘင်္ဂဖွား၊ စနေမရဏဖွား တို့သည် ပိုမို ကံကောင်းကြတတ်ပါတယ်။ အထူးသဖြင့် တနင်္ဂနွေအဓိပတိဖွားသည် ပိုပြီး အသက်မွေးမှုကံမှာ တည်ငြိမ်မှု ရှိပါတယ်။ သက်လတ်ပိုင်း လောက်က စပြီး တည်ငြိမ်တဲ့အနေအထား ဖြစ်လာပြီး တတိယအရွယ်အထိ သိပ်မပူပင်ရတဲ့ ဖွားဇာတာ အမျိုးအစားလို့ ဆိုနိုင်ပါတယ်။

တနင်္လာရာဇဖွားတွေကတော့ ကံအားသာချက်များသလို ကောင်းဆိုး ပမာဏလည်း များတတ်ပါတယ်။ အခက်အခဲဆုံးအချိန် စနေဂြိုဟ်အိပ်ကို သက်လတ်ပိုင်းမှာ ဖြတ်ကြရသည့်အတွက် ထိုကာလ တစ်ချက် ထောက်ထားတာကြောင့် တနင်္လာရာဇဖွားတွေရဲ့ ဘ၀အောင်မြင်မှုကံသည် အချိုးအကွေ့များပြီး တနင်္ဂနွေအဓိပတိဖွားတွေလို မတည်ငြိမ်တတ်ပါ။ သို့သော် တတိယအရွယ်မှာ တော့ တနင်္လာရာဇဖွားတွေသည် ကံဇာတာအားသာချက် ပြန်လည်ရရှိတတ်ပါတယ်။

ဗုဒ္ဓဟူးဘင်္ဂဖွားတွေကတော့ တစ်လျှောက်လုံး အခြေအနေ သင့်တင့်တတ်ပြီး ၊ ၂၈ အ၀င် ကနေ ၄၆ ကြား မှာတော့ ( အမည်မှည့်ခေါ်ပုံ အားနည်းချက်လည်း ရှိမယ်ဆိုရင်) ငွေကြေးဆုံးရှုံးမှုနဲ့ အခက်အခဲ အနည်းငယ် များတတ်ပါတယ်။ ၄၆ နောက်ပိုင်းမှာတော့ အောင်မြင်မှု ပြန်လည်ရရှိသွားတတ်ကြပြန်ပါတယ်။ ၅၈နောက်ပိုင်း မှာ အသက်မွေးမှု ရပ်တန့်ပြောင်းလဲတာတွေ ကြုံပါတယ်။

စနေမရဏဖွားတွေသည် အသက် ၃၀ အ၀င်ကနေ ၄၁ကြားမှာ အသက်မွေးမှု အောင်မြင်ကြတတ်ပါတယ်။ အမည်မှည့်ခေါ်ပုံအနေအထားပေါ်မူတည်ပြီး ၄၁ နောက်ပိုင်း အခြေကျမှု ရှိမရှိကို ဆက်လက်ဆုံးဖြတ်ရပါတယ်။

အင်္ဂါအထွန်းဖွား တွေကတော့ ဘ၀ရဲ့ချမ်းသာသုခကို အသက် ၃၆ကနေ ၅၄ကြားမှာ ပိုမိုခံစားကြရပါတယ်။ သောကြာ သိုက်ဖွားတွေသည် အသက် ၂၇တင်းတင်းပြည့်ပြီးချိန်ကနေ ၄၂ကြားမှာ သူတို့ဘ၀အတွက် အခွင့်အလမ်း အများဆုံးအနေအထားရနိုင်တာမို့ အရွယ်ကောင်းမှာ ကံဇာတာအားသာချက်ရှိကြသူတွေ လို့ ဆိုရမှာပါ။

ကြာသာပတေးပုတိဖွားတွေကတော့ အမည်ပေးမှည့်ခေါ်ပုံသာ မှန်ကန်မယ်ဆိုရင် အမွေအနှစ်ခံစားခွင့်၊ ကောင်းသော ပညာသင်ယူခွင့်၊ ကောင်းသော ခရီးများ သွားလာရခွင့်၊ ယာဉ်ကားနှင့် ပတ်သက်သော ကံကောင်းမှု၊ အမျိုးသမီးအကြီးအကဲများရဲ့ ကောင်းကျိုးပေးမှုကို အထူးခံစားထိုက်သော ဖွားဇာတာရှင်တွေပါပဲ။

အကြမ်းသဘောလောက်လေး နည်းနည်း သိထားတော့ ကိုယ်ဘာရွေးရမလဲ ဆိုတာ နည်းနည်း စဉ်းစားလို့ ရတာပေါ့။ တစ်ကယ့်တကယ်ကတော့ အမိအဖ မွေးဇာတာနှစ်ခုနဲ့ပါ ပေါင်းစပ်ပြီး တွက်စစ်ပြီးမှ ရွေးရတာပါ။ သို့သော် ဘာပဲဖြစ်ဖြစ် အခြေခံလောက်လေး နည်းနည်း သိထားလည်း မဆိုးပါဘူး။

မွေးမယ့်ဖွားမယ့် ကလေးသည် ယောကျာ်းလေးလည်း ဖြစ်မယ်၊ အမိအဖ ဇာတာမှာလည်း တနင်္ဂနွေဂြိုဟ်ရဲ့ အကျိုးပေးအားသည် 200% ၀န်းကျင် နဲ့ အထက် ဖြစ်မယ် ဆိုရင်တော့ တနင်္ဂနွေအဓိပတိဖွားလေးသာ ယူပါ။

ဘာပဲဖြစ်ဖြစ် အရည်အသွေးရှိသလို ..ထက်မြက်ပြီး ဘ၀တည်ငြိမ်မှုအားလည်း ရှိတဲ့ ဖွားဇာတာအမျိုးအစားမို့ပါ။ အမည်ပေးတာလေးပါ မှန်ကန်ညီညွတ်မယ်ဆိုရင်  ကိုယ့်ရင်သွေးအတွက် အနာဂတ်ကံကို ပူစရာ မလိုတော့ဘဲ မိဘရင်အေးရပါလိမ့်မယ်။ ကိုယ့်သားသမီး ကိုယ့်ရင်သွေး အဆင်မပြေတာကို မြင်နေရခြင်းသည်လည်း မိဘတွေ အတွက် ငရဲအပူလိုပါပဲ။ ဒါကြောင့် ရွေးခွင့်ရှိသူတွေ ရွေးနိုင်ကြစေဖို့ တိုက်တွန်းရေးသားပေးခဲ့လိုက်ပါတယ်။

ဖတ်မှတ်သုတ ဖြစ်စေရုံ – ဆရာစိုးမိုးထွန်း (ခေါ်) ဆရာဝေသာလီမောင်ဖုန်း – 09 789 333 791

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)