ဂဏန်းဗေဒင်ပညာမှာ အင်္ဂလိပ်လို ၄ ၊ ၁၃၊ ၂၂၊ ၃၁ မှာ မွေးဖွားတဲ့သူတွေဟာ အမိန့်အာဏာတွေကို ဖီဆန် အံတုလေ့ ရှိကြပါတယ်။ အဲဒီလို အာဏာရှင်ဆန့်ကျင်ရေးတွေ လုပ်ခဲ့လို့လည်း လွတ်လပ်ခြင်း အရသာကို ဆောင်ကျဉ်း ပေးနိုင်ခဲ့တာ အဲဒီ ၄ ဂဏန်းသမားတွေပဲ ဖြစ်နေတတ်ပါတယ်။ ဥပမာ ပြရရင် ကျွန်တော်တို့ရဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းဟာ ၁၃ ရက်နေ့ မွေးတဲ့ ၄ ဂဏန်းသမား ဖြစ်နေတာသာ ကြည့်ပါတော့။
ဂဏန်းဗေဒင်လိုပဲ နက္ခတ်ကြယ်တာရာတွေကို အခြေခံတဲ့ ရာသီခွင်စနစ် ဗေဒင်ပညာမှာ အာဏာရှင်တွေကို ကန့်လန့်တိုက် ဆန့်ကျင်နေကျ ရာသီဖွားတွေ ရှိပါတယ်။ သူတို့ ဗီဇအရ ကိုယ့်အပေါ် အာဏာရှင်ဆန်ဆန် ဖိအားပေးလာရင် ပြန်ပြီး ထော်လော်ကန့်လန့် လုပ်လိုက်ရမှ နေသာထိုင်သာ ရှိသွားတတ်တဲ့ ရာသီဖွားတွေ ဖြစ်ပါတယ်။ အဲဒီရာသီဖွားတွေက ဘယ်သူတွေများ ဖြစ်မလဲ ဆိုတာ ကြည့်ရအောင်ဗျာ…(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ)
၁ ။ ကုမ်ရာသီဖွား (ဇန်နဝါရီ ၂၀ မှ ဖေဖော်ဝါရီ ၁၈ အတွင်း မွေးဖွားသူများ) – ၄ ဂဏန်းရဲ့ အရှင်သခင်၊ တနည်းအားဖြင့် အဟောင်းမှန်သမျှ ဆန့်ကျင်ပြီး အသစ်တွေကိုချည်း တီထွင်တဲ့ ရာသီခွင်ဟာ ကုမ်ရာသီကြယ်စုပါပဲ။ ကုမ်ရာသီဖွားတွေဟာ လွတ်လပ်မှုကို ရေဆာသလို ငတ်မွတ်တတ်ပြီး ဖိနှိပ်မှုကိုတော့ အသည်းခိုက်အောက် ရွံမုန်းတတ်ကြပါတယ်။ ဘေးဥပါဒ် မင်းပြစ်မင်းဒဏ်နဲ့ လွတ်လပ်မှုကို ကြိုက်တာ ရွေးပါဆိုရင် ဖြစ်လာသမျှ ရင်ဆိုင်ပြီး လွတ်လပ်မှုကိုသာ ရွေးချယ်တတ်တာ ကုမ်ရာသီဖွားပါပဲ။
၂။ မိဿရာသီဖွား (မတ် ၂၁ မှ ဧပြီ ၁၉ အတွင်း မွေးဖွားသူများ) – ရာသီဖွားတွေထဲမှာ အကြမ်းဆုံးလို့ သတ်မှတ်ထားတဲ့ မိဿတွေဟာ သဘာဝအရ အလိုလိုနေရင်း သတ္တိ သိပ်ကောင်းကြသူတွေ ဖြစ်ပါတယ်။ ဘာလုပ်ပါ၊ ညာလုပ်ပါ ဆိုပြီး အမိန့်ပေးသလို လာခိုင်းစေနေရင်တော့ ညစ်တွန်းတွေ တွန်းပြီး ပြန်ကန့်လန့်တိုက်တာ မိဿရာသီဖွားတွေပါပဲ။ သူတို့ ရွေးချယ်တဲ့ လမ်းကြောင်းမှာ ဆူးခလုတ်တွေ ပြည့်နေပါစေ ကိုယ့်ဆုံးဖြတ်ချက်ကို မပြင်ဘဲ ဖြစ်လာသမျှ ရင်ဆိုင်နိုင်ကြသူတွေ ဖြစ်ပါတယ်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ)
၃။ မေထုန်ရာသီဖွား (မေ ၂၁ မှ ဇွန် ၂၀ အတွင်း မွေးဖွားသူများ) – နိုင်ငံရေးပဲ ဖြစ်ဖြစ်၊ ဘယ်နေရာ ဘယ်လိုအခြေအနေမှာ ဖြစ်ဖြစ် အားလုံး အုံကြွအောင် လှုပ်ရှားတက်ကြွပြီး လှုံ့ဆော်ပေးတတ်တာ မေထုန်ရာသီဖွားတွေပါပဲ။ ကိုယ့်အကြီးအကဲတွေ၊ အုပ်ချုပ်မင်းလုပ်သူတွေက အမှန်ကို လက်ကိုင်ပြုပြီး မျှမျှတတ လုပ်ပေးမယ်လို့ မျှော်လင့်တတ်ကြတာကလည်း မေထုန်ရာသီဖွားတွေပဲ ဖြစ်ပါတယ်။ အပြောင်းအလဲတွေ ဖြစ်လာဖို့၊ အမြင်ချင်းတွေ ဖလှယ်ဖို့ တက်ကြွလှုပ်ရှားပေးတတ်တဲ့ ရာသီဖွားလို့ ဆိုရမှာပါ။
၎။ ဗြိစ္ဆာရာသီဖွား (အောက်တိုဘာ ၂၃ မှ နိုဝင်ဘာ ၂၁ အတွင်း မွေးဖွားသူများ) – မိဿရာသီဖွားလိုပဲ ခပ်ကြမ်းကြမ်းနဲ့ လျှို့ဝှက်လှုပ်ရှားတတ်တဲ့ ရာသီဖွားဟာ ဗြိစ္ဆာတွေပဲ ဖြစ်ပါတယ်။ သိပ်ပြီး ထက်မြက်တဲ့ စုံထောက်တွေ၊ တော်လှန်ပုန်ကန်ရေးသမား သူလျှိုကောင်းတွေဟာ ဗြိစ္ဆာရာသီခွင်မှာ မွေးဖွား ကြီးပြင်းလေ့ ရှိပါတယ်။ မတရားဘူး၊ မမျှတဘူးလို့ ခံစားရပြီဆိုတာနဲ့ စနစ်ဆိုး၊ အမွေဆိုးတွေကို တော်လှန်ပြီး ပြောင်းလဲပစ်တတ်ကြပါတယ်။ ကိုယ့်ဘဝကို ကိုယ်ပိုင်အုပ်ချုပ်ဖို့ ပြဋ္ဌာန်းထားတာကလည်း သူတို့တွေပါပဲ။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ)
၅။ မိန်ရာသီဖွား (ဖေဖော်ဝါရီ ၁၉ မှ မတ် ၂၀ အတွင်း မွေးဖွားသူများ) – မတရားမှုတွေ၊ ဖိနှိပ်မှုတွေကို ထူးခြားဆန်းပြားတဲ့ နည်းလမ်းတွေနဲ့ ကန့်လန့်တိုက် ဖီဆန်တတ်တာ မိန်ရာသီမှာ မွေးဖွားသူတွေပဲ ဖြစ်ပါတယ်။ သူများတွေနဲ့ မတူဘဲ တစ်မူထူးခြားတဲ့ လမ်းစဉ်တွေနဲ့ အမိန့်အာဏာတွေမှန်သမျှ ဖီဆန်အံတုတတ်ကြပါတယ်။ ကိုယ့်ခံစားချက်နဲ့ကိုယ် လုပ်ပြတတ်လို့လည်း တခြားသူတွေနဲ့ အာဏာဖီဆန်ရေး လမ်းစဉ်တွေနဲ့ မတူဘဲ ဖြစ်တတ်ပါတယ်။ ရသင့်တဲ့ အခွင့်အရေးတိုင်းကိုလည်း ရအောင် ယူတတ်ကြပါတယ်။
မတရားတဲ့ အမိန့်အာဏာမှန်သမျှ ဖီဆန်ရဲကြတဲ့ ရာသီဖွားတိုင်းကို လေးစားလျက်ပါ – ဧက (ဗေဒင်သုတ)
(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)