ငွေရေးကြေးရေး ဂဏန်းဗေဒင်

နက္ခတ်ဗေဒင်ပညာတွင် ငွေကြေးဓနနှင့် ပတ်သက်လျှင် ၂ တန့်၊ ၄ တန့်၊ ၁၁ တန့် ဘာဝများက အဓိက ကိုယ်စားပြုသကဲ့သို့ ဂဏန်းဗေဒင်ပညာတွင်လည်း မွေးရက်၊ မွေးလ၊ မွေးနှစ် အားလုံး တစ်လုံးတည်း ကျန်အောင် ပေါင်း၍ ရသော ကံကြမ္မာဂဏန်းက လူတစ်ဦးတစ်ယောက်၏ ငွေကြေး ရှာဖွေနိုင်စွမ်းနှင့် သုံးစွဲမှု အလေ့အထတို့ကို ဖော်ပြလေ့ ရှိသည်။

ဥပမာ – စက်တင်ဘာ ၂၇ ၊ ၁၉၇၉ ခုနှစ်တွင် မွေးဖွားသူ တစ်ဦး၏ ငွေကြေးကံဇာတာကို လေ့လာမည် ဆိုပါစို့၊ ဂဏန်းအားလုံးကို တစ်လုံးတည်းကျန်အောင် ပေါင်းလိုက်ပါ။ (၂၇ + ၉ + ၁၉၇၉ = ၂၀၁၅ = ၂+ဝ+၁+၅ = ၈ ) ရရှိပါမည်။ မှတ်ချက် – ၁၀ လပိုင်း မွေးပါက (၁+၀ = ၁) ဟု ယူပါ။ ရရှိလာသော ဂဏန်းအလိုက် ဇာတာရှင်တစ်ဦးချင်း၏ ငွေကြေးကံကြမ္မာမှာ အောက်ပါအတိုင်း ဖြစ်ပါသည်။

(၁) ဂဏန်း ရရှိသူများသည် ဘဝတွင် ငွေရှာရလွယ်သူများ ဖြစ်ကြသည်။ အထူးသဖြင့် စိတ်ကူးသစ်၊ လုပ်ငန်းသစ်များ စတင်ခြင်း၊ ဦးဆောင် လုပ်ကိုင်ခြင်းတို့ဖြင့် ငွေရှာကောင်းတတ်ကြသည်။ သို့သော် ဝင်ငွေကို မိသားစု၊ အသိုင်းအဝိုင်းအတွက် အလွယ်ပေးကမ်းခြင်း၊ အသုံးလွယ်ခြင်းကို သတိပြုရမည်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည် ကူးယူဖော်ပြခြင်းကို ခွင့်မပြုပါ)

(၂) ဂဏန်း ရရှိသူများသည် ငွေရှာရ ခက်ခဲသူများ ဖြစ်ကြသည်။ တစ်ပါးသူအရေးကို ဦးစားပေးနေ၍ ရသင့်သလောက် မရ ဖြစ်တတ်သည်။ သူများ နောက်ကောက် ကျတတ်သည်။ ငွေကြေးကိစ္စအတွက် ရုန်းကန်ဖြေရှင်းမှု များမည်။ ကိုယ့်အရေးကိုသာ ဦးစားပေးရန်နှင့် စေတနာ မလွန်ကဲရန် သတိထားပါ။

(၃) ဂဏန်း ရရှိသူများသည် ငွေရှာကောင်းသူများ ဖြစ်ကြသည်။ ရပေါက်ရလမ်းများ၊ မထင်မှတ်သော ကံကောင်းမှုများ ကြုံရတတ်သည်။ သို့သော် လက်ဖွာလွန်းသူများ ဖြစ်၍ အလွယ်ရ၊ အပြောင် ရှင်းပြီး ကြွေးတင်သွားတတ်သည်။ ဝင်လာသမျှ ဥစ္စာဓနကို စနစ်တကျ စုဆောင်း ထိန်းသိမ်းရန် လိုအပ်သည်။

(၄) ဂဏန်း ရရှိသူများသည် ဘယ်အရာမျှ အချောင်မရသူများ ဖြစ်၍ ငွေကြေးဓန ရှာဖွေရာတွင်လည်း သူများထက် ပိုခက်ခဲကြသည်။ စည်းမဲ့ကမ်းမဲ့သာ နေမိပါက လူမွဲစာရင်း ဝင်သွားနိုင်သူများ ဖြစ်သည်။ သို့သော် စနစ်တကျနှင့် ကြိုးစားပမ်းစား လုပ်ကိုင်ပါက ရင်းနှီးမြှုပ်နှံမှုဖြင့် ချမ်းသာနိုင်သူများ ဖြစ်သည်။

(၅) ဂဏန်း ရရှိသူများသည် စီးပွားအရှာကောင်းသူများ ဖြစ်ပြီး အမြတ်အစွန်းများသော အခွင့်ကောင်း၊ နေရာကောင်းများ ရရှိတတ်ကြသည်။ မထင်မှတ်ဘဲ ပွပေါက်ကြီးကြီး တိုးမိတတ်သည်။ ရှာဖွေရရှိသမျှ ပြန်သုံး၊ ပြန်စွန့်ကြဲရန်လည်း ဝန်မလေးတတ်ကြပေ။ အသုံးအစွဲ သတိပြုဆင်ခြင်ရန်သာ လိုအပ်သည်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည် ကူးယူဖော်ပြခြင်းကို ခွင့်မပြုပါ)

(၆) ဂဏန်း ရရှိသူများသည် မိသားစုကောင်းမှု (သို့မဟုတ်) အမွေအနှစ်ကြောင့် ငွေကြေး အဆင်ပြေ ဖူလုံတတ်ကြသည်။ ဘဝတွင် ငွေကြေးကံ အဆိုး၊ အကောင်း သိသာထင်ရှားလွန်းခြင်း မရှိတတ်ပေ။ သို့သော် အချိန်မီ လုပ်ရမည့် အပေးအယူကိစ္စများ လွဲချော်မှုကြောင့် ဆုံးရှုံးနစ်နာမှု ဖြစ်တတ်ကြသည်။

(၇) ဂဏန်း ရရှိသူများသည် ဘဝတွင် ငွေကြေးကိစ္စ ပူပင်သောက မကြာခဏ ဖြစ်ပွားတတ်ကြသည်။ ဘဝကို ပုံမှန်လေး ဖြတ်သန်းကြသူများတွင် ထူးခြားမှု မရှိဘဲ စွန့်စားရုန်းကန်လိုသူများတွင် ထူးခြားစွာ ကြီးပွားချမ်းသာသွားကြသည်။ ဘဝတွင် ငွေကို အရေးမထားသလို လုပ်ခြင်းကိုမူ ဆင်ခြင်ရလိမ့်မည်။

(၈) ဂဏန်း ရရှိသူများသည် သေလျှင် မြေကြီး၊ ရှင်လျှင် ရွှေထီးဆောင်းသည့် ကံတရား ဖြစ်ကြသည်။ ငွေရှာကောင်းသလို အသုံးအစွဲလည်း ကြမ်းတတ်ကြသည်။ ဇွဲနဘဲနှင့် ရှာဖွေ စုဆောင်းထားသမျှကို ပြန်ရင်းပစ်ရန်လည်း ဝန်မလေးတတ်ကြပေ။ လေလွင့်ဖြုန်းတီးမှုနှင့် အသုံးကြမ်းမှုကို သတိပြုရမည်။

(၉) ဂဏန်း ရရှိသူများသည် သူတပါးထက် အေးဆေးသက်သာစွာဖြင့် ငွေရှာနိုင်ကြသည်။ နည်းနည်း လုပ်ပြီး များများ မြတ်တတ်ကြသည်။ သို့သော် လက်ထဲတွင် ပူအောင်ပင် မကိုင်ရဘဲ သူတပါးအား ပြန် ပေးကမ်းစွန့်ကြဲရန် အသင့် ဖြစ်နေတတ်သည်။ ဝင်လာသမျှ ဥစ္စာဓန ခိုင်မြဲအောင် ကြိုးစားရလိမ့်မည်။

၁ အစ ၉ အဆုံး ကံကြမ္မာဂဏန်းအားလုံး ငွေကြေး ကံကောင်းကြပါစေ – ဧက (ဗေဒင်သုတ)

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)