ဒေါသအိုးကွဲ ရာသီခွင်များအကြောင်း

နက္ခတ်ဗေဒင်လာ ၁၂ ရာသီခွင်တွေထဲမှာ မီးဓာတ်ရာသီဖွားအများစုဟာ စိတ်တိုစိတ်မြန် ပေါက်ကွဲလွယ်သူတွေ ဖြစ်ကြပါတယ်။ ထစ်ခနဲဆိုရင် ဟုန်းခနဲ တောက်လောင်ဖို့ ဝန်မလေးသလို အန္တရာယ်ဟေ့ဆို ပြေးတွေ့ ရင်ဆိုင်ဖို့ အသင့် ဖြစ်နေတတ်ကြပါတယ်။

ဒီနေရာမှာတော့ သွေးဆူပေါက်ကွဲလွယ်တဲ့ ကိစ္စမျိုးတွေမှာ သူများတကာထက် ပိုပြီး စိတ်ရှည်ဖို့၊ စိတ်ထိန်းချုပ်ဖို့ လိုမယ့် ရာသီခွင်တွေကို ဆင်ခြင်သတိထားနိုင်ဖို့ရာ ဖော်ပြပေးလိုက်ပါတယ်။

မိဿရာသီဖွား (မတ် ၂၁ – ဧပြီ ၁၉) – အတိုက်အခံနဲ့တွေ့ရင် သွေးဆူလွယ် ဒေါသကြီးလွယ်တဲ့ ရာသီဖွားတွေ ဖြစ်ပြီး ပဋိပက္ခတိုင်းမှာ စိတ်လိုက်မာန်ပါ ရင်ဆိုင်တတ်ကြလို့ ရနိုင်သမျှ ကိုယ့်ဒေါသကို ဘရိတ်အုပ်ထိန်းချုပ်ဖို့ လိုပါလိမ့်မယ်။ သည်းခံစိတ်ရှည်ရပါမယ်။

သိဟ်ရာသီဖွား (ဇူလိုင် ၂၃ – သြဂုတ် ၂၂ ) – တစ်ခုခု ဖြစ်ပြီဆိုရင် ဟိန်းဟောက် အသံကျယ်လာပြီး ဘယ်သူ့ကိုမှ ဗိုလ်မထားချင်တဲ့ ရာသီဖွားတွေ ဖြစ်တယ်။ ဘယ်လို ခြိမ်းခြောက်မှုကိုမှ မဖြုံတတ်ကြဘဲ ဒေါသထွက်ပြီဆိုရင်လည်း ဝိုင်းထိန်းဖို့တောင် ခက်ခဲပါလိမ့်မယ်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည် ကူးယူဖော်ပြခြင်းကို ခွင့်မပြုပါ)

ဗြိစ္ဆာရာသီဖွား (အောက်တိုဘာ ၂၃ – နိုဝင်ဘာ ၂၁ ) – လျှို့ဝှက်ပြီး နားလည်ရခက်တဲ့ ရာသီဖွားမျိုး ဖြစ်ပေမယ့် လိုချင်တာတွေ ဖြစ်မလာတော့ရင် ဒေါသမာန်ဟုန်ကို အဆုံးထိ လွှတ်ချ ပေါက်ကွဲတတ်သူတွေ ဖြစ်ပါတယ်။ တချို့ဆိုရင် အကြမ်းဖက်ဖို့လည်း ဝန်မလေးတော့ပါဘူး။

ကရကဋ်ရာသီဖွား (ဇွန် ၂၁ – ဇူလိုင် ၂၂) – ကိုယ့်အသိုင်းအဝိုင်းလေးနဲ့ကိုယ့်ဖာသာ အေးအေးနေတတ်ပေမယ့် တစ်ဖက်မှာလည်း ဆတ်ဆတ်ထိမခံအောင် ပေါက်ကွဲတတ်ကြပါတယ်။ ကိုယ်ချစ်ခင်ရသူတွေကို ထိခိုက်လာပြီဆိုရင် အသက်စွန့်ဖို့ အသင့် ဖြစ်လာပါတယ်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည် ကူးယူဖော်ပြခြင်းကို ခွင့်မပြုပါ)

ပြိဿရာသီဖွား (ဧပြီ ၂၀ – မေ ၂၀) – စိတ်ရှည်သည်းခံသူတွေ ဆိုပေမယ့် ခေါင်းမာတယူသန်တဲ့အကျင့်လည်း ရှိတတ်လို့ သည်းခံနိုင်စွမ်းကို ကျော်ပြီး လွန်လွန်ကဲကဲ ဖြစ်လာပြီဆိုရင် ဒေါသမုန်တိုင်းဆင်လာတတ်ပါတယ်။ ပြီးရင်တော့ စိတ်ပြန်လျှော့တတ်ပါတယ်။

တကယ်လို့များ စာဖတ်သူဟာ ဖော်ပြပါရာသီခွင်တွေထဲမှာ ပါဝင်နေမယ်ဆိုရင် အခြေအတင် ပြဿနာတွေနဲ့ ပဋိပက္ခ အငြင်းပွားမှုတွေကို ကြုံလာတဲ့အခါ ကိုယ့်စိတ်ကို ပြန်ထိန်းချုပ်ပြီး သတိထားနိုင်ဖို့ မှာချင်ပါတယ်။ ဧက (ဗေဒင်သုတ)  

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)