ချမ်းသာငွေဝင် ဖုန်းရွှေအစီအရင်

တရုတ်လူမျိုးတို့၏ နှစ်ပေါင်းထောင်ချီ တည်တံ့နေသော ဖုန်းရွှေလောကီပညာရပ်တွင် နေအိမ်အဆောက်အဦ အခန်းထောင့်များ အတွက် ငွေကြေးချမ်းသာကြွယ်ဝခြင်းဆိုင်ရာ အရပ်မျက်နှာထောင့် ရှိသည်။ ထိုအရပ်မျက်နှာ ရှာဖွေပုံကို ယခု ဖော်ပြပေးပါမည်။

မိမိတို့ အဆောက်အဦ (သို့) အခန်းထဲမှ နေ၍ အိမ်အပြင်ဘက်သို့ မျက်နှာမူလိုက်ပါ။ လက်ဝဲဘက် ထိပ်ခြမ်းထောင့်သည် ငွေကြေးဓနနှင့် သက်ဆိုင်သော အရပ်မျက်နှာထောင့် ဖြစ်ပါသည်။

အဆိုပါအရပ်မျက်နှာတွင် အမှိုက်များ ရှုပ်ပွနေခြင်း ၊ ပစ္စည်းများ ရှုပ်ထွေးနေခြင်းမျိုး မဖြစ်ရပါ။ ဓား၊ လက်နက် ၊ တံမျက်စည်း စသည့် အနိဌပစ္စည်းများလည်း မရှိအပ်ပါ။ ရှိနေပါက မိမိ၏ ငွေကြေးစီးပွားတိုးတက်မှု ရပ်တန့်တတ်သည်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည် ကူးယူဖော်ပြခြင်းကို ခွင့်မပြုပါ)

china zod 182

၎င်းအရပ်မျက်နှာထောင့်ကို သန့်ရှင်းစွာ ထားသင့်ပြီး ဖုန်းရွှေပညာအရ ငွေကြေးစီပွား တိုးတက်စေသည့် အောက်ပါအစီအရင်များကို စနစ်တကျ လုပ်ဆောင်အပ်ပေသည်။

နံပါတ် ၁) ၎င်းအရပ်တွင် အလှဝါးပင်ကို စိုက်ပျိုးထားရှိပါ။ ပန်းအိုးကို အပြာရောင် ခရမ်းရောင် အနီရောင် ဆေးသုတ်ထားပါ။

နံပါတ် ၂) ၎င်းဘေးတွင် ရေတံခွန်အသေး လေးထားရှိပါ။ (ကုန်တိုက်များတွင် ဝယ်ယူ ရရှိနိုင်သော ရေတံခွန်အငယ်များ ရှိပါသည်) သို့မဟုတ်ပါက ၎င်းအရပ်မျက်နှာတွင် ရေတံခွန်ပုံကို ကပ်ထားနိုင်ပါသည်။

နံပါတ် ၃) ၎င်းအရပ်တွင် အလှမွေးငါးကန်ကို ထားရှိပါ။ ရွှေငါးကိုးကောင် (ဝါ) Lucky Fish ကဲ့သို့သော ငါးကို ထားရှိရမည်။

ထိုသို့ အရပ်မျက်နှာကို သေချာတွက်စစ်ပြီး အထက်ပါ ၃-ချက်ကို စီရင်ထားခြင်းဖြင့် လုပ်ငန်းစီးပွား တိုးတက်ခြင်း၊ ငွေကြေးစီးပွား ဖြစ်ထွန်းခြင်း၊ ဓနဥစ္စာကံကောင်းခြင်းများ ဖြစ်ထွန်းလာပေလိမ့်မည်။

ကိုယ်စိတ်နှစ်ပါးချမ်းမြေ့ပါစေ – ဆရာလင်းဝေအောင် (မြန်မာ့ဗေဒင်နှင့်ကေပီရှေ့ဆောင်နက္ခတ်ပညာရှင်)

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)