ကြာသပတေးနေ့ဖွားတို့ရဲ့ မြန်မာနှစ်သစ် ကံဇာတာ

ယခုနှစ် ၁၃၈၀ ကတော့ ကြာသာပတေးနေ့ဖွားများစွာအတွက် စွမ်းဆောင်ရည် ပိုမို မြင့်တက်လာမယ့်ကာလ ဖြစ်ပါတယ်။

လူတွေက ကိုယ့်ကို မြင်လိုက်တာနဲ့ကို အားကိုးချင်လာမယ်။ တာဝန် ထမ်းဆောင်ပေးနိုင်သူ၊ စွမ်းဆောင်ပေးနိုင်သူအဖြစ် သတ်မှတ်လာတတ်ကြချိန် ဖြစ်ပါတယ်။ ဒါကြောင့် ဒီတစ်နှစ်အဖို့ကတော့ အလုပ်လက်မဲ့ ဖြစ်နေသော ကြာသာပတေးနေ့ဖွား များစွာအတွက် အလုပ်လျှောက်လို့ သိပ်ကောင်းတဲ့ နှစ်မျိုး လို့ ဆိုနိုင်ပါတယ်ခင်ဗျား။

အသေးစိတ်အားဖြင့် ကဏ္ဍအနည်းငယ် ခွဲခြားပြီး အောက်မှာ ဆက်လက်ရေးသားပေးလိုက်ရပါတယ်။

အလုပ်အကိုင်

အလုပ်မရှိသေးသူများ အလုပ်အကိုင် ရလွယ်သော ကာလ ဖြစ်သလို အလုပ်ရှိပြီးသူများလည်း တိုးတက်နိုင်သော ကာလ ဖြစ်ပါတယ်။ အထူးသဖြင့် အသက် ၁၉ နှစ် ၊ ၂၅ နှစ် ၊ ၃၂ နှစ် ၊ ၃၉ နှစ် ၊ ၄၆ နှစ် အတွင်း ဖြတ်သန်းနေသော ကြာသာပတေးနေ့ဖွားများအဖို့ အလုပ်အကိုင် ပိုမို တိုးတက်အောင်မြင်တတ်သော ကာလ ဖြစ်ပါတယ်။ အရေးပါသော စီမံခွင့်မျိုးကို ရရှိတတ်ချိန်ဖြစ်ပြီး မူလဇာတာ အသက်ပိုင်း စသည်ဖြင့် အားလုံးသာ တိုက်ဆိုင်ညီညွတ်နေမယ်ဆိုရင် ဒီတစ်နှစ်သည် အလုပ်အကိုင်နဲ့ အကျိုးစီးပွားအတွက် အထူးကောင်းနိုင်သော နှစ်မျိုးလို့ ဆိုရပါလိမ့်မယ်။

မေတ္တာရေး

မေတ္တာရေးကံမှာလည်း ကောင်းမွန်တတ်သော ကာလဖြစ်ပါတယ်။ ကိုယ့်ကို ချစ်မယ့်သူ မြတ်နိုးမယ့်သူ ပေါ်လာတတ်သော ကာလဖြစ်ပါတယ်။ အိမ်ထောင်သည်များအဖို့တော့ အိမ်ထောင်ဖက်နဲ့ ပတ်သက်ပြီး အနည်းငယ် စိတ်ကျဉ်းကျပ်မှု ကြုံရတတ်ပြီး တစ်ဆက်တည်းမှာပဲ အိမ်ထောင်ဖက်ရဲ့ အကျိုးခံစားရခြင်းမျိုး သော်လည်းကောင်း ကြုံကြိုက်ရတတ်ချိန် ဖြစ်ပါတယ်။ ဘာပဲဖြစ်ဖြစ် မေတ္တာရေးကံမှာ ကြာသာပတေးဖွား အတော်များများ ကံကောင်းတတ်ချိန်လို့ ဆိုရမှာပါ။

ပညာရေး

ပညာရေး အားကောင်းသော နှစ် ဖြစ်ပါတယ်။ မိမိကိုယ်တိုင်ကလည်း အစွမ်းအစ ပြနိုင်ချိန်မျိုး ဖြစ်ပါတယ်။ သို့သော် စာကျက်မှတ်ရာမှာ မှတ်ဥာဏ်အား ကျဆင်းမှုမျိုး ဖြစ်တတ်တဲ့အတွက် စာပိုင်းတွေမှာ အားသာချက် ရှိနိုင်သော်လည်း ကျက်စာပိုင်းတွေမှာ အားနည်းမှု ဖြစ်ပေါ်လာတတ်ချိန်ပါ။ အရေးကြီးသော ပညာရေး စာမေးပွဲ ဖြေဆိုမယ့် သူများအနေနဲ့ကတော့ ခရမ်းပြာရောင်နဲ့  နံ့သာရောင်ကို ဆောင်ထားသင့်ပါတယ်။

ကျန်းမာရေး

ဒီနှစ် ကျန်းမာရေး အခြေအနေမှာ ကြာသာပတေးနေ့ဖွားအများစုအဖို့ ကြံ့ခိုင်မှု ရရှိနိုင်ပါလိမ့်မယ်။ သို့သော် အရေပြားပေါ်တွင် အနာရောဂါ ကပ်လွယ်ခြင်း ၊ အရေပြား ထိခိုက်လွယ်ခြင်းနဲ့ အာရုံကြော အားနည်းမှုမျိုး ဖြစ်တတ်ပါတယ်။ ကျန်းမာရေး အလွန်အားနည်းနေသူများအဖို့တော့ ဒီတစ်နှစ်မှာ နံ့သာရောင် ဝါညိုရောင် ၊ သနပ်ခါးရောင်တို့ကို လျှော့ချ အသုံးပြုသင့်ပါတယ်။

အထွေထွေသုံးသပ်ချက်

ကြာသာပတေးနေ့ဖွားတွေအတွက် သည်တစ်နှစ်ဟာ ခွန်အားရှိမယ့်ကာလ တစ်ခုပါ။ အပြိုင်အဆိုင်ကဏ္ဍတွေ များပြားစွာ ကြုံလာမှာဖြစ်သလို အနိုင်ယူနိုင်ဖို့ ခွန်အားလည်း မိမိမှာ ပိုင်ဆိုင်နေတတ်သော အချိန်ပါပဲ။

အိမ်ထဲမှာ ခွေပြီး ဘာမှ အစွမ်းအစ မထုတ်ချင်သည့် ကြာသာပတေးတစ်ချို့တွေ တောင် သည်တစ်နှစ်တော့ ကိုယ်ပိုင် စွမ်းဆောင်မှုလေးတွေ လုပ်ဖြစ်ဖို့ အကြောင်းဖန်လာပါလိမ့်မယ်။

လက်တွေ့ကျကျ သုံးသပ်ခြင်း ၊ တိုးတက်အောင် စွမ်းဆောင်ခြင်း ၊ ခွန်အားကို အကျိုးရှိမည့် ဘဝ အစိတ်အပိုင်းများတွင် တွန်းတွန်း တိုက်တိုက် အားထုတ် လုပ်ဆောင်ခြင်း ပြုသင့်သည့် ကာလ တစ်ခုပါပဲ။

ဒီတစ်နှစ်အတွက် ကြာသာပတေးနေ့ဖွားတွေအဖို့ မကောင်းသော ကံအစိတ်အပိုင်းကို ပြပါဆိုရင် အဆိုးဆုံးကတော့ နေရာထိုင်ခင်းနဲ့ ပတ်သက်သော ဆိုးကျိုး ကျရောက်လာတတ်ခြင်းပဲ ဖြစ်ပါတယ်။

ဒီနှစ်မှာ ကြာသာပတေးနေ့ဖွားတွေအဖို့ အိုးသစ်အိမ်သစ် ဆောက်လုပ်ခြင်း ၊ နေရာသစ် အခြေချခြင်းမျိုးတွေ မလုပ်တာ ပိုကောင်းပါလိမ့်မယ်။ နေရာအတွက် စိတ်ညစ်ရတတ်သည့် ကာလပါ။

ဝန်ထမ်းများအဖို့လည်း ဝေးလံသော အရပ်ဒေသများ ၊ ခေါင်သီသော သို့မဟုတ် မသွားလိုသော အရပ်ဒေသများတွင် တာဝန် သွားရောက်ထမ်းဆောင်ရခြင်းမျိုးတွေ ဒီတစ်နှစ်မှာ အလွန် ဖြစ်လွယ်လှပါတယ်။

ဒီတစ်နှစ် ကြာသာပတေးများစွာအတွက်

နေရတာ မပျော်ဘူးကွာ, နေရတာ ပျင်းလိုက်တာ, နေရတာ စိတ်ညစ်တယ်….စသည်ဖြင့် အနေအအထိုင်ကံ အားနည်းခြင်းတွေ အလွယ်တကူ ဖြစ်တတ်ပါတယ်။

အကောင်းဆုံး အကြံပေးရရင် ဒီတစ်နှစ်တော့ သည်းခံသာနေကြပေတော့ လို့သာ ဆိုလိုက်ချင်ပါတယ်။

နေရာထိုင်ခင်းကံ အရမ်းကို အဆိုးဘက် ရောက်နေသူများအဖို့ကတော့ နံ့သာရောင် ၊ ဝါညိုရောင် ၊ သနပ်ခါးရောင်တို့ကို ဖြစ်နိုင်သမျှ ဝေးဝေးရှောင်ပြီး နေပါလို့သာ အကြံပြုလိုက်ရပါသည်ခင်ဗျား။

ကိုဖုန်း / သုတေသီ ဝေသာလီမောင်ဖုန်း / ကိုစိုးမိုးထွန်း (ဗေဒင်ပညာသုတေသီ)
09 789 333 791, 09 318 17 287

ဟောခန်းလိပ်စာ – တိုက် 6 ၊ အခန်း 3 ၊ မြေညီထပ် ၊ မြကန်သာအိမ်ယာ၊ မြကန်သာလမ်း ၊ ကမာရွတ်မြို့နယ် ၊ ရန်ကုန်။ အနီးဆုံး မှတ်တိုင် – ဆင်ရေတွင်းမှတ်တိုင်

(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)