နာမည်အဟောပညာ နှင့်ပတ်သက်ပြီး အနောက်တိုင်း အရှေ့တိုင်း ဗေဒင်အဟောပညာရပ်များစွာ ရှိပေသည်။ ၎င်းတို့ထဲမှ ကိုယ်တိုင် အလွယ်တကူ တွက်စစ်ကြည့်နိုင်သော သရောဒယပညာရပ်လာ ဝဂ္ဂစက်များဖြင့် အမည်တွက်စစ်နည်းကို သုတအလို့ငှာ ဖော်ပြပေးပါမည်။
အဆိုပါတွက်စစ်နည်းတွင် အက္ခရာတို့၏ တန်ဖိုးကို ဦးစွာ သိရပါမည်။
နံသင့်အက္ခရာ နံသင့်သင်္ချာ
အ၊ ဣ၊ ဥ၊ ဧ၊ သြ ၈
က၊ ခ ၊ ဂ ၊ ဃ၊ င ၅
စ၊ ဆ၊ ဇ၊ ဈ ၊ ည ၆
ယ ၊ ရ၊ လ၊ ဝ ၃
ပ၊ ဖ ၊ ဗ၊ ဘ၊ မ ၁
သ၊ ဟ ၂
တ၊ ထ၊ ဒ၊ ဓ၊ န ၇
ဋ၊ ဌ၊ ဍ၊ ဏ ၄
အထက်ပါ အက္ခရာတန်ဖိုးများကိုသိရှိပါက မိမိနာမည်ကို အက္ခရာများအလိုက် ၎င်းတန်ဖိုးများ ပေါင်းလိုက်ပါ။ ရရှိလာသောတန်ဖိုးများကို ၈ဖြင့်စားပြီး အကြွင်းအလိုက် မိမိနာမည်နှင့် ဘဝကံအနေအထားကို ထောက်ဆ တွက်စစ်နိုင်ပေမည်။
ဥပမာ – အောင်တင့် ဆိုသော နာမည်သမားကိုတွက်မည်ဆိုပါက အောင်သည် တန်ဖိုး ၈၊ တင့်သည် တန်ဖိုး ၇ဖြစ်ပေရာ ၁၅ ရ၏။ ယင်း ၁၅ ကို ၈ဖြင့် စားပါက အကြွင်း (၇) ရ၏။ ၎င်းအကြွင်း ၇-သည် ဆင်နာမည် အမျိုးအစားထဲတွင် ပါဝင်သည်။ အကြွင်းအလိုက် အမည်များမှာ –
(၁)ကြွင်းပါက တံခွန်
(၂)ကြွင်းပါက အခိုး
(၃)ကြွင်းပါက ခြင်္သေ့
(၄)ကြွင်းပါက ခွေး
(၅)ကြွင်းပါက နွား
(၆)ကြွင်းပါက မြည်း
(၇)ကြွင်းပါက ကျီး..
(ဝ)ကြွင်းပါက ကျီး နာမည်….စသဖြင့် နာမည်အုပ်စုများဖြစ်သည်။
(၁)ကြွင်း တံခွန်နာမည်များသည် များသောအားဖြင့် ဂုဏ်သိက္ခာကိုတန်ဖိုးထားတတ်ကြသည်။ ဘဝတွင် အများပရိတ်သတ်နှင့် ဆက်နွယ်လုပ်ကိုင်ရခြင်းများတွင် သူများထက် ပိုမို အောင်မြင်တတ်သည်။ ဦးစားပေးခံရခြင်းကိုနှစ်သက်မည်။ ပါးရပ်နပ်ရည် ရှိခြင်းကြောင့် ဘဝတိုးတက်မှုရမည်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ)
(၂)ကြွင်း အခိုးနာမည်များသည် လွတ်လပ်မှုမြတ်နိုးတတ်မည်။ ဖြန့်ကျက်တွေးတောနိုင်စွမ်း မြင့်မားမည်။ ဘဝတွင် အောင်မြင်မှုကို ဖြည်းဖြည်းချင်းတည်ဆောက်သွားပြီး အထွဋ်အထိပ် ရောက်တတ်မည်။
(၃)ကြွင်း ခြင်္သေ့နာမည်များသည် လက်တွေ့ကျကျလုပ်ကိုင်ရသော အလုပ်များနှင့်ပိုမိုအကျိုးပေးမည်။ စိတ်တို မဟုတ်မခံစိတ် ပြင်းပျတတ်မည်။ တစ်ဦးတည်းနေလိုစိတ်များတတ်မည်။ ဘဝတွင် သူတစ်ပါးအပေါ် သြဇာလွှမ်းမိုးနိုင်မှုမြင့်မားသည်။ အင်တိုက်အားတိုက် စွမ်းအားသုံးရသော လုပ်ငန်းများတွင် အကျိုးပေးမည်။
(၄)ကြွင်း ခွေးနာမည်များသည် ဘဝအနိမ့်အမြင့်အတက်အကျ များတတ်သည်။ သူတစ်ပါးအကျိုးစီးပွားအတွက် ဝင်ရောက် လုပ်ကိုင်ပေးရင်းမှ မိမိဘဝတိုးတက်မှု ရှာဖွေရတတ်မည်။ အပေါင်းအသင်းကြောင့် ဘဝဂုဏ်သိက္ခာ ညိုးငယ်ရတတ်သည်။ သစ္စာတရားကို တန်ဖိုးထားတတ်မည်။ ကောင်းသောပတ်ဝန်းကျင်တွင် နေထိုင်ပါက တိုးတက်အဆင်ပြေမှုများရမည်။
(၅)ကြွင်း နွားနာမည်များသည် ဘဝတွင် သူတပါးထက်ပိုသော စိတ်ပင်ပန်း လူပင်ပန်းဖြစ်စရာ များတတ်သည်။ အများအကျိုး သယ်ပိုးရတတ်ခြင်းကံပါသည်။ မိသားစုအသိုက်ဝန်းတွင် အနွံတာခံ ပေးဆပ်ပြီး ဘဝတက်လမ်း ရှာဖွေရတတ်သည်။ (ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ)
(၆)ကြွင်း မြည်း နာမည်များသည် ဘဝတွင် သွားလာလှုပ်ရှားမှုများတတ်သည်။ ပတ်ဝန်းကျင်ကို ဂရုမစိုက်ဘဲ ကိုယ်မှန်သည်ထင်က ရှေ့တိုးလုပ်ဆောင်တတ်သည်။ ဘဝတွင် ရုတ်တရက် အပြောင်းအလဲများ မကြာခဏ ကြုံရတတ်သည်။
(၇)ကြွင်း ဆင်နာမည်များသည် ဘဝအစပိုင်းခက်ခဲမည်။ ဇွဲ ဝါသနာ အရင်းခံပြီး အောင်မြင်မှုရတတ်သော သူများဖြစ်သည်။ ဘဝတွင် အောင်မြင်မှု ချမ်းသာမှု ရရှိပြီးက ရေရှည်ခိုင်မြဲတတ်သောအကျိုးခံစားရတတ်မည်။
(ဝ)ကြွင်း ကျီးနာမည်များသည် ဆွေမျိုးအသိုင်းဝိုင်းပေါ် ခင်တွယ်မည်။ ဘဝတွင် ယယီလုပ်ငန်းများနဲ့ ပိုမိုအောင်မြင်လွယ်မည်။ ငွေအသုံးအစွဲ ကြမ်းတမ်းမှုကြောင့် ဘဝတက်လမ်း နှောင့်နှေးတတ်ခြင်းသတိပြုရမည်။
ဤနည်းဖြင့် မိမိနာမည် တွက်စစ်ပြီး နာမည်နှင့် ဘဝကံအနေထား နေထိုင်မှုပုံစံ အလိုက် ကောင်းကျိုးချမ်းသာ ဖြစ်ထွန်းကြပါစေသော်…
ကိုယ်စိတ်နှစ်ပါးချမ်းမြေ့ပါစေ – ဆရာလင်းဝေအောင် (မြန်မာ့ဆန်းကျမ်းဗေဒင်နှင့် ကေပီရှေ့ဆောင်နက္ခတ်ပညာရှင်)
(ေဗဒင္သုတ၏ မူပိုင္ေဆာင္းပါး ျဖစ္သည္။ အျခားေသာ Social Media Platform မ်ား ႏွင့္ Website မ်ားတြင္ ျပန္လည္ကူးယူေဖာ္ျပျခင္းကုိ ခြင့္မျပဳပါ။ ဖတ္ရႈအားေပးမႈအတြက္ ေက်းဇူးတင္ပါသည္)