မိမိ သွားလာမည့် အရပ်ဒေသသည် ယခုနှစ်အတွင်း သွားလာအပ်သော အရပ်ဒေသ ဟုတ်၊ မဟုတ် အလွယ်တကူ ကိုယ်တိုင် တွက်စစ်နိုင်သော မြန်မာ့ရိုးရာ ဗေဒင်နည်းတစ်ခုကို ဖော်ပြပေးအပ်ပါသည်။ ဤနည်းမှာ ရှေးဗေဒင်ပညာရှင်ကြီးများ အသုံးပြုခဲ့သော “နမန္တာသချိုင်း” အရပ်ကို တွက်ချက် ရှောင်ကြဉ်နည်း ဖြစ်ပါသည်။
*တွက်စစ်နည်းမှာ -လက်ရှိ ကောဇာသက္ကရာဇ်ကို ၅၃ နှင့် ပေါင်းပါ။ -ရလာသော ရလဒ်ကို မိမိရောက်ဆဲ အသက်နှင့် ထပ် ပေါင်းပါ။ – ထိုပေါင်းလဒ်ကို (၈) ဖြင့် စားပြီး အကြွင်းအလိုက် အရပ်ဒေသကို နမန္တာသင်္ချိုင်းအရပ်ဟု သတ်မှတ်သည်။ ထိုအရပ်ကို ခရီးသွားလာခြင်း မပြုရန်၊ ရှောင်ရန် ဖြစ်သည်။ အကြွင်းအလိုက် ရှောင်ရမည့် အရပ်မျက်နှာများမှာ အောက်ပါအတိုင်း ဖြစ်သည်။ (ဗေဒင်သုတ၏ မူပိုင် ဖြစ်သည်။ အခြားသော Social Media Platform များ နှင့် Website များတွင် ပြန်လည် ကူးယူဖော်ပြခြင်းကို ခွင့်မပြုပါ)
တွက်ကိန်းတွင် ကောဇာသက္ကရာဇ်အပြောင်းနှင့် ရောက်ဆဲအသက်ပိုင်းအပြောင်းအလဲများတွင် ရှောင်ရမည့် အရပ်ဒေသလည်း ပြောင်းလဲသွားမည်ကို သတိပြုရပေမည် ။ ဤအကြောင်းအရာနှင့် ပက်သက်၍ လက်တွေ့ဖြစ်ရပ်သာဓကတစ်ခုမှာ ကျွန်ုပ်မိတ်ဆွေ အမျိုးသမီး တစ်ဦး၏ ခင်ပွန်းသည် နေပြည့်တော်မှ ရန်ကုန်သို့ သွားရာ လမ်းတွင် ယာဉ်မတော်တဆ ဖြစ်ပွားပြီး ထိခိုက်ဒဏ်ရာရခဲ့၏။
ဇာတာရှင်သည် ၁၃၈၀ နှစ်တွင် မတော်တဆမှု ဖြစ်ပွားခဲ့ရာ ယင်း ၁၃၈၀ ကို ၅၃ ပေါင်းသော် ၁၄၃၃ ရမည်။ သူ၏ ရောက်ဆဲအသက်မှာ ၃၂ နှစ် ဖြစ်၏။ ၁၄၃၃+၃၂ = ၁၄၆၅ ရ၏ ။ ၎င်း ၁၄၆၅ ကို (၈) ဖြင့်စား၍ ၁ကြွင်းပေရာ တောင်အရပ်ကို ခရီးသွားရာတွင် သတိထား ရှောင်ကြဉ်ရမည် ဖြစ်သည်။ နေပြည်တော်မှ ရန်ကုန် သို့ တောင်အရပ် တည့်တည့်ကျပေရာ ဇာတာရှင်၏ ခရီးလမ်းတွင် ထိခိုက်မှု ကြုံခဲ့ရသည်။ မြန်မာ့လက်ဆန်းကိန်းလာ နမန္တာအရပ်မှာ ရှောင်ကြဉ်နိုင်လေ ဘေးကင်းလေ ဖြစ်သည်။ အကယ်၍ မဖြစ်မနေ သွားလာရမည် ဆိုပါက ပြုလုပ်ရမည့် ယတြာကို ဖော်ပြပါမည်။
မတတ်သာ၍ မဖြစ်မနေသွားရမည့်အခါမျိုးတွင် ဘုန်းတော်ကြီးတစ်ပါးအား ထီးနှင့် ဖိနပ်ကို လှူဒါန်းပြီး ခရီးဘေးကင်းစေကြောင်း ဆုတောင်းရန်နှင့် လမ်းတစ်လျှောက်တွင်လည်း သမ္ဗုဒ္ဓေဂါထာတော်ကြီးကို ရွတ်ဖတ်ပူဇော်သွားရန် အသိပေးလိုက်ရပါသည်။
ကိုယ်စိတ်နှစ်ပါး ချမ်းမြေ့ကြပါစေ ဆရာလင်းဝေအောင် (မြန်မာ့ရိုးရာဆန်းကျမ်းဗေဒင်နှင့် ကေပီရှေ့ဆောင်နက္ခတ်ပညာရှင်)
(ေဗဒင္သုတ၏ မူပိုင္ေဆာင္းပါး ျဖစ္သည္။ အျခားေသာ Social Media Platform မ်ား ႏွင့္ Website မ်ားတြင္ ျပန္လည္ကူးယူေဖာ္ျပျခင္းကုိ ခြင့္မျပဳပါ။ ဖတ္ရႈအားေပးမႈအတြက္ ေက်းဇူးတင္ပါသည္)