မြန်မာ့ရိုးရာဗေဒင်ပညာရပ်ဖြင့် နေ့ဖွားအလိုက် မိမိအကျိုးပေးလုပ်ငန်းကို ရွေးချယ်ဆောင်ရွက်ခြင်းဖြင့် အောင်မြင်ပြီးမြောက် ဘဝခရီးရောက်စေဖို့ ကောင်းသော အထောက်အပံ့တစ်ခုကို ရရှိပေမည်။
နေ့ဖွားအလိုက် လုပ်ငန်းအကျိုးပေးကို လွယ်လင့်တကူ တွက်ချက်ပြီး ငယ်ရွယ်စဉ်အချိန်ကတည်းက ကလေးငယ်များကို လမ်းကြောင်း ချမှတ်ပေးခဲ့ကြသည်။
ယနေ့ခေတ်တွင်လည်း တိုးတက်လာသည်နှင့်အမျှ နေ့ဖွားအလိုက် အကျိုးပေးသော အသက်မွေးဝမ်းကျောင်းလုပ်ငန်းများကို အောက်ပါအတိုင်း အလွယ်တကူ သိရှိနိုင်ပါမည်။
တနင်္ဂနွေနေ့ဖွားများ
စားသောက်ကုန်လုပ်ငန်း၊ ယဉ်ကားလုပ်ငန်း၊ ခရီးသွားလုပ်ငန်း၊ ရေထွက်ကုန်ပစ္စည်းလုပ်ငန်း၊ ဖျော်ရည်၊ အအေးလုပ်ငန်း၊ အိုင်တီဆက်စပ်လုပ်ငန်းများ၊ စိတ်ကူးစိတ်သန်းကောင်းဖြင့် ဖန်တီးရသောလုပ်ငန်းများ အကျိုးပေးသည်။
တနင်္လာနေ့ဖွားများ
အထည်အလိပ် ရောင်းဝယ်ခြင်း၊ လူသုံးကုန်ပစ္စည်းများ ရောင်းဝယ်ခြင်း၊ အလှကုန် ရောင်းဝယ်ခြင်း၊ ဒီဇိုင်း ဖန်တီးရသော လုပ်ငန်းများ၊ စက်မှုလက်မှုလုပ်ငန်းများ အကျိုးပေးမည်။
အင်္ဂါနေ့ဖွားများ
ကျောက်မြတ်ရတနာလုပ်ငန်း၊ ရွှေငွေရောင်းဝယ်ခြင်းလုပ်ငန်း၊ ငွေတိုးပေးခြင်း၊ ငွေကစားခြင်း ငွေလွှဲလုပ်ငန်းများ အကျိုပေးသည်။
ဗုဒ္ဓဟူးနေ့ဖွားများ
ပညာရှင်လုပ်ငန်း၊ အတတ်ပညာဖြင့် ဦးဆောင်ရသော သင်တန်း ၊ ကျူရှင် စသော လုပ်ငန်းများ၊ လယ်ယာစက်မှုသုံးပစ္စည်း ရောင်းဝယ်ခြင်း၊ ဓာတ်မြေဩဇာ ရောင်းခြင်းလုပ်ငန်းများ အကျိုးပေးသည်။
ကြာသပတေးနေ့ဖွားများ
စိုက်ပျိုးရေးလုပ်ငန်း၊ အလှပန်းဆင်ခြင်းလုပ်ငန်း၊ အခမ်းအနား အလှဆင်ခြင်းလုပ်ငန်းများ၊ ငွေကြေး စီမံခန့်ခွဲမှုလုပ်ငန်းများ၊ မန်နေဂျာလုပ်ငန်းများ အထူးအကျိုးပေးသည်။
သောကြာနေ့ဖွားများ
နှုတ်မှုလက်မှုအတတ်ပညာလုပ်ငန်းများ၊ ပြုပြင်ပြောင်းလဲရေးလုပ်ငန်းများ (စက်ပြင်၊ ဖုန်းပြင် စသဖြင့်) ၊ တွင်းထွက်ပစ္စည်းလုပ်ငန်များ၊ နိုင်ငံရပ်ခြား၊ လူမျိုးခြားနှင့်ဆက်စပ်လုပ်ငန်းများ အကျိုးပေးသည်။
စနေနေ့ဖျားများ
ဇိမ်ခံစားသောက်ကုန်လုပ်ငန်း၊ အိမ်ဆောက်ပစ္စည်းလုပ်ငန်း၊ ကန်ထရိုက်လုပ်ငန်း၊ စားသောက်ဆိုင်လုပ်ငန်း၊ ထီလုပ်ငန်း ၊ အစိုးရဆက်စပ်လုပ်ငန်း၊ ဘာသာရေးအသုံးဆောင် နိဗ္ဗာန် ကုန်ဆိုင်လုပ်ငန်းများ အထူးအကျိုးပေးသည်။
ဤကား နေ့ဖွားအလိုက် လွယ်လင့်တကူ တွက်ချက်သိနိုင်သော မြန်မာ့ရိုးရာဗေဒင်ပညာရပ်လာ အကျိုးပေးလုပ်ငန်းများဖြစ်ပါသည်။ မိမိတို့ဖွားဇာတာအရ အသေးစိတ် အနည်းအများသာ အကျိုးပေးချိန်၊ အကျိုးပေးမည့်အနေအထား ကွာဟချက် ရှိကောင်းရှိပါလိမ့်မည်။
အာစရိဝါဒအရ ဘဝအတွက်အမှန်တကယ်ကောင်းကျိုးပေးနိုင်မည့် လုပ်ငန်းများကို ကိုယ်တိုင် သိရှိစေနိုင်ရန် ရည်ရွယ်ရင်း ဖြစ်ပါသည်။ လက်တွေ့အသုံးချ ကောင်းကျိုးများစွာဖြစ်ထွန်းကြပါစေသတည်း…
ကိုယ်စိတ်နှစ်ပါးချမ်းမြေ့ပါစေ
ဆရာလင်းဝေအောင် (မြန်မာ့ဆန်းကျမ်းဗေဒင်နှင့် ကေပီရှေ့ဆောင်နက္ခတ်ပညာရှင်)
(ေဗဒင္သုတ၏ မူပိုင္ေဆာင္းပါး ျဖစ္သည္။ အျခားေသာ Social Media Platform မ်ား ႏွင့္ Website မ်ားတြင္ ျပန္လည္ကူးယူေဖာ္ျပျခင္းကုိ ခြင့္မျပဳပါ။ ဖတ္ရႈအားေပးမႈအတြက္ ေက်းဇူးတင္ပါသည္)