မိမိပြုတဲ့ ကုသိုလ်တွေ Facebook ပေါ်တင်သင့်သလား ဆိုတာနဲ့ ပတ်သက်ပြီး ရွှေလေးဝဆရာတော်ရဲ့ အဖြေကို ဗေဒင်သုတ ပရိတ်သတ်များအတွက် ပြန်လည် ဝေမျှပေးလိုက်ပါတယ်။
မိမိပြုသမျှ ကုသိုလ်တွေကို Fb ပေါ် မှတ်တမ်းအဖြစ် တင်သင့်ပါတယ်လို့ပဲ ဖြေချင်ပါတယ်။ ဘာကြောင့်လဲ ဆိုတော့ ဟိုးယခင်ကဆို ကုသိုလ်ပြုပြီးတိုင်း ကြေးစည်တီးကြပါတယ်။ ကြေးစည်သံကို ကြားရရင် အိမ်နီးနားချင်းတွေက အမျှ ပေးဝေတာပဲဆိုတာ သိရှိပြီး သာဓုခေါ်ကြတယ်။
ယခုခေတ်မှာတော့ မိမိကုသိုလ်ပြုပြီးတိုင်း Fb ပေါ် တင်ကြတာဟာ… မိမိကုသိုလ်ကို အမျှ ပေးဝေကြခြင်းပါပဲ။ သာဓုခေါ်လိုက်ပါ။ မိမိလည်း ကုသိုလ်ရပါတယ်။ ကြွားဝါတာပါဆိုပြီး နှလုံးသွင်း မမှားပါစေနဲ့။ သူတစ်ပါး ကုသိုလ် သင့်အတွက် အကုသိုလ်ဖြစ်သွားနိုင်လို့ပါ။
(မိမိရဲ့ ကုသိုလ်တွေကို facebook ပေါ်တင်ရခြင်းရဲ့ အကျိုးကတော့) ၁။ မလှူခင်က စိတ်ထဲကြံစည်ဖြစ်နေတဲ့ ပုဗ္ဗ စေတနာ၊ ၂။လှူနေဆဲ အခိုက်အတန့်မှာ ကြည်နူးနေမိတဲ့ မုဉ္စ စေတနာ၊၃။ လှူပြီး မိမိကုသိုလ်ကို ပြန်လည် အောက်မေ့တဲ့ အပရ စေတနာဆိုပြီး စေတနာသုံးတန်ရှိတဲ့အထဲက fbပေါ် တင်ထားတာကို ခဏခဏ ပြန်ကြည့်လို့လည်း ရတယ်။ fb မှာလည်း တစ်နှစ်ပြည့်ရင် ပြန်ပေါ်လာတယ်။
အဲဒီအချိန်မှာ မိမိပြုခဲ့တဲ့ကုသိုလ်ကို လူတိုင်းက သတိရကြမှာပါပဲ။ အဲဒီလို ပြန်သတိရခြင်းဟာ အပရ စေတနာကို ပိုပြီး အားကောင်းစေပါတယ်။ ဒါနထက် သီလက မြတ်တယ်။ သီလထက် ဘာဝနာက မြတ်တယ် ဆိုတာ လူတိုင်း သိကြပြီးသားပါပဲ။ အနုဿတိ( ၁ဝ )ပါးထဲမှာ စာဂါ နုဿတိဘာဝနာ (မိမိပြုခဲ့ဘူးတဲ့ ကုသိုလ်ကို ပြန်လည်အောက်မေ့ခြင်း ဘာဝနာပေါ့)
သေချာပြန်ကြည့်လိုက်ပါ။ လှူခဲ့စဉ်က ရိုးရိုးဒါနအဆင့်ပဲနော်။ အပရ စေတနာ မိမိပြုခဲ့တဲ့ကုသိုလ်ကို ပြန်အမှတ်ရတာက စာဂါ နုဿတိဘာဝနာ ဆိုတော့ ဘာဝနာအဆင့်ထိ ရောက်သွားတယ်။ ပိုပြီး အကျိုးကြီးတယ်ပေါ့။ ပြီးတော့ နေ့စဉ် ပုံမှန်ပြုလုပ်ကြကုသိုလ်ကို အာစိဏ္ဏကံ ကုသိုလ်လို့ ခေါ်တယ်။
တစ်ကြိမ်တစ်ခါပဲ ပြုခဲ့ဖူးတဲ့ ကုသိုလ်ကို အကြိမ်ကြိမ် အခါခါ ပြန်သတိရနေပါကလည်း အာစိဏ္ဏကံ ကုသိုလ် ဖြစ်သွားတာပါပဲ။ ဒါနကနေ ဘာဝနာအဆင့် တစ်ခါပဲပြုခဲ့ဖူးတဲ့ ကုသိုလ်ကနေ နေ့စဉ်ပြုလုပ်ရာရောက်တဲ့ အာစိဏ္ဏကံ ကုသိုလ်အဆင့် ဖြစ်တယ်ဆိုတာ အပရ စေတနာကြောင့် ဖြစ်တာပါပဲ။
ဓာတ်ပုံမှတ်တမ်း fbမှာ ကုသိုလ်မှတ်တမ်းတွေဟာ အပရစေတနာကို ဖြစ်စေနိုင်တာမို့ fb ပေါ်တင်နေတဲ့ ကုသိုလ်မြင်ကွင်းတွေ၊ သာဓုခေါ်လိုက်ပါ။ ကိုယ်လည်း ကုသိုလ်ရတာပေါ့။၊ ကြွားဝါနေတယ်လို့ မမြင်ဘဲ သူတို့ အခုလို ကုသိုလ်ပြုနိုင်တာတွေဟာ ရှေးဘဝက ကုသိုလ်ကံတွေ ကောင်းခဲ့လို့ပါ ဆိုပြီး လူတစ်ယောက်အပေါ် ချစ်ခြင်း မုန်းခြင်းကို ဖယ်ပြီး (ကံ ကံ၏အကျိုးပေးတာကို ဆင်ခြင်လိုက်တော့ ) ယောနိသော မနသိကာရ ဖြစ်သွားတာမို့ ကိုယ့်ရဲ့ ဘဝလေးလည်း ဖြောင့်တန်းသွားတာပေါ့။ ဒါကြောင့် ကုသိုလ်တွေကို နေ့စဉ် ရအောင်ယူကြပါစို့ ။ ( ရွှေလေးဝဆရာတော် ၏ သြဝါဒကို ဗေဒင်သုတက ပြန်လည် ပူဇော်တင်ပြခြင်း ဖြစ်ပါသည်)
(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)