နက္ခတ်ဗေဒင်၊ ဂဏန်းဗေဒင် စတဲ့ ကမ္ဘာသုံးဗေဒင်ပညာတွေနဲ့ ဖူးစာဖက် အိမ်ထောင်ဖက်ချင်း ပေါင်းဖက်ရာမှာ ကံကောင်း၊မကောင်း တွက်ချက်ဟောကိန်းထုတ်နိုင်သလိုပဲ မြန်မာတွေရဲ့ရိုးရာလက်ဆန်းဗေဒင်ပညာမှာလည်း နှစ်ဦးသား ပေါင်းဖက်လို့ အဆင်ပြေ၊မပြေ၊ ကြီးပွားချမ်းသာကိန်း ရှိ၊မရှိကို တွက်ကိန်းလေးတွေနဲ့ အလွယ်တကူ တွက်ချက် အဖြေရှာ ဟောကိန်းထုတ်လို့ ရပါတယ်။ အခုလို ဝါလကင်းလွတ်လို့ ပွင့်လင်းရာသီရောက်လာချိန်မှာ နှစ်ကိုယ်တူဘဝထူထောင်ဖို့ ရည်ရွယ်ထားသူတွေအတွက် အဲဒီတွက်ကိန်းလေးတွေကို ဖော်ပြလိုက်ပါတယ်။
တွက်နည်း (၁)
ဒီနည်းက နှစ်ဦးသားပေါင်းဖက်ရင် ဘဝမှာချမ်းချမ်းသာသာနေရပါ့မလား၊ ခက်ခဲကြမ်းတမ်းတဲ့ဘဝ ဖြစ်နေမလား ဆိုတာ တွက်ကြည့်နိုင်တဲ့နည်းလေးပါ။ တွက်နည်းက လွယ်ပါတယ်။ နှစ်ဦးသားရဲ့မွေးနံနှစ်ခုကို ပေါင်းပါ။ ပြီးရင် (၇) နဲ့စားပါ။ (၁ ၊ ၂ ၊ ၅) ကြွင်းရင် တိုးတက်ကြီးပွားကိန်းရှိတယ်၊ ချမ်းသာနိုင်တယ်။ (၃ ၊ ၄ ၊ ၆) ကြွင်းရင်တော့ သာမန်ဘဝပဲ ဖြစ်မယ်။ လူတန်းစေ့လောက် နေနိုင်လိမ့်မယ် (ဝ) ကြွင်းရင်တော့ အဆင်မပြေတဲ့ဘဝမျိုး ဖြစ်မယ် ၊ ခက်ခဲကျပ်တည်းတတ်တယ်လို့ အဟော ရှိပါတယ်။
ဥပမာတစ်ခု တွက်ပြပါမယ်။ ခင်ပွန်းက စနေသား၊ ဇနီးက အင်္ဂါသမီး ဆိုရင် စနေသား ဆိုတော့ (၇) ၊ အင်္ဂါသမီး ဆိုတော့ (၃) ၊ (၇ + ၃ = ၁၀) ၊ ၇ နဲ့စားရင် ၃ ကြွင်းတယ်။ သာမန်လူတန်းစေ့ဘဝမှာ ပုံမှန် နေထိုင်ရမယ်လို့ ဟောကိန်း ထွက်ပါတယ်။ ဒါဆိုရင် ကျန်တဲ့နေ့သားသမီးတွေလည်း ကိုယ့်ဖာသာ တွက်ကြည့်နိုင်ပါလိမ့်မယ်။
တွက်နည်း (၂)
ဒုတိယနည်းကတော့ ဗေဒင်အသိုင်းအဝိုင်းမှာ အသုံးများပါတယ်။ နှစ်ဦးသားရဲ့ မွေးနံတွေကို ပေါင်းပါ။ ပြီးရင် (၅) နဲ့ မြှောက်ပြီး ရလာတာကို (၇) နဲ့စားပါ။ အကြွင်းအလိုက် ဟောကိန်းတွေကတော့ …
(၁) ကြွင်းရင် အကျိုးမပေး၊ စီးပွားမဖြစ်၊ မချမ်းသာနိုင်၊ စုမိဆောင်းမိ မဖြစ်နိုင် (၂) ကြွင်းရင် ချမ်းသာ၊ ကြီးပွား၊ တိုးတက်ကိန်း ရှိပြီး တွဲဖက်ကောင်း ဖြစ်မယ် (၃) ကြွင်းရင် စီးပွား ဖြစ်ပေမယ့် ဥစ္စာဓန မမြဲ၊ အကုန်အကျများ၊ ရလိုက်ကုန်လိုက် ဖြစ်မယ် (၄) ကြွင်းရင် လူတန်းစေ့ထက် ကျော်လွန် ၊ နာမည်ကြီး၊ စီးပွားဖြစ်၊ အောင်မြင်မှုရမယ် (၅) ကြွင်းရင် အိမ်ထောင်ရေးကံကောင်းသူ ဖြစ်ပြီး ဘဝ ပြည့်စုံအေးချမ်းမှု ရမယ် (၆) ကြွင်းရင် ကူညီပံ့ပိုးမယ့် အသိုင်းအဝိုင်း ရှိပြီး ငွေကြေချမ်းသာ ၊ အမွေရ ၊ ထီပေါက်တာမျိုး ဖြစ်နိုင် (ဝ) ကြွင်းရင်တော့ ပူပန်စရာများ၊ ရုန်းကန်ပင်ပန်းရတာ များမယ် လို့ ဟောကိန်းရှိပါတယ်။
တွက်နည်း (၁) မှာ ဖော်ပြခဲ့တဲ့ စနေသားနဲ့ အင်္ဂါသမီးကိုပဲ ဥပမာယူ တွက်ပြရရင် စနေက (၇) အင်္ဂါက (၃) ပေါင်းရင် ၁၀ ၊ ၁၀ ကို ၅ နဲ့မြှောက်ရင် ၅၀ ရမယ်။ ၅၀ ကို (၇) နဲ့စားရင် (၁) ကြွင်းမယ်။ ဟောကိန်းအရဆိုရင် ဥစ္စာပစ္စည်း မစုဆောင်းနိုင်၊ စီးပွားမဖြစ်နိုင်လို့ အဟော ထွက်ပါတယ်။
ဒီတော့ တွက်နည်း (၂) ခု ပေါင်းစပ်ကြည့်တဲ့အခါ ဖော်ပြပါ စနေနဲ့ အင်္ဂါ စုံတွဲဟာ ကြီးပွားချမ်းသာနိုင်မယ့်ကံ အကြောင်းတရား နည်းပါးပြီး သာမန်ဘဝနဲ့ လူတန်းစေ့လောက်သာ အများဆုံး နေထိုင်နိုင်မယ်၊ ဥစ္စာပစ္စည်း စုမိဆောင်းမိ ဖြစ်တာ နည်းမယ်လို့ ဆိုရမှာပါ။ ရိုးရာဗေဒင်တွက်နည်းလေးတွေဟာ ရာနှုန်းပြည့်အကုန်လုံးထိ မမှန်နိုင်ပေမယ့် အကြောင်းအမျိုးမျိုးကြောင့် ဗေဒင်ဆရာဆီ မသွားနိုင်တဲ့ ချစ်သူ၊ စုံတွဲတွေအတွက် အလွယ် တွက်ချက်သိနိုင်မယ့် ကိန်းခန်းလေးတွေ ဖြစ်လို့ ဗေဒင်ဗဟုသုတအနေနဲ့ တင်ပြလိုက်ရပါတယ်။ ဧက (ဗေဒင်သုတ)
(ဗေဒင်သုတ၏ မူပိုင်ဆောင်းပါး ဖြစ်သည်။ အခြားသော Social Media Platform များ နှင့် Website များတွင် ပြန်လည်ကူးယူဖော်ပြခြင်းကို ခွင့်မပြုပါ။ ဖတ်ရှုအားပေးမှုအတွက် ကျေးဇူးတင်ပါသည်)